Wednesday, March 2, 2011

မွေတော်ကက္ကူနှင့် အသွင်ပြောင်း ပအိုဝ်း (၂)

 
 မွေတော်ကက္ကူစေတီတွေရဲ့ အရှေ့ဘက်မှာ ရွှေဝက်မင်းရုပ်ထုရှိပါသည်၊ ဒေသခံနှင့်ဘုရားဖူးတွေက ဖယောင်းတိုင်၊ ပန်း၊ အစားအစာတွေ ပူဇော်လေ့ရှိပါသည်၊ တန်ဆောင်မုန်း နှင့် တပေါင်းလပြည့်နေ့တွေမှာ မွေတော်ကက္ကူဘုရားပွဲကျင်းပကြပါသည်၊ ခုတော့ ဘုရားပွဲချိန်ဆိုရင် လှည်းပေါင်းမိုးတွေအပြင် ပစ်ကပ်ကားတွေ၊ ထော်လာဂျီတွေ၊ ဆိုင်ကယ်တွေနဲ့ ပြည့်ကြပ်နေပါသည်၊ဘုရား ပတ်လည်ရှိ ညောင်ပင်ရိပ် အပင်ကြီးရိပ်တွေမှာ စခန်းချ ရပ်နားကြပါတယ်။ တစ်ရွာလုံးနီးပါး တစ်အိမ်လုံး လာတဲ့အလေ့ရှိပါသည်၊ အညာဘုရားပွဲလိုပါပဲ ညနေချိန်ရောက်ရင်တော့ ဖီးလိမ်းပြင်ဆင်ပြီး ဘုရားပွဲခင်းထဲသို့လာကြပါသည်၊ အများအားဖြင့် ရိုးရာ ဝတ်စုံကို အများဆုံးဝတ်ဆင်လေ့ရှိပါသည်၊ ယောက်ျားလေးနဲ့ မိန်းကလေးတွေ တစ်ယောက်နဲ့ တစ်ယောက် တွေ့ဆုံချစ်ကြိုက်ကြတဲ့ ပွဲတော်လည်း ဖြစ်ပါသည်၊ ရိုးရာကစားပွဲများ၊ ဇာတ်ရုံများ စတိတ်ရှိုးများနဲ့ စည်းကားလှပါသည်၊ လောင်းကစားဝိုင်းများလည်းရှိပါသည်။
အထူးသဖြင့် ဘုရားပွဲဈေးသည် စည်းကားလှပါသည်၊ ပွဲတော်လာသူတွေဟာ ဒေသထွက်ကုန်ပစ္စည်းတွေကို ယူဆောင်လာပြီး ပွဲတော်မှာ ရောင်းကြဝယ်ကြပါသည်၊ တူညီတာတစ်ခုကတော့ ဘုရားပွဲလာသူအားလုံး မွေတော်ကက္ကူဘုရားကို ပန်း ဆီမီး သစ်သီး ဆွမ်း ကပ်လှူပူဇော်ကြခြင်းဖြစ်ပါသည်၊ ရဟန်း၊ သံဃာတွေက ပရိတ်ပဋ္ဌာန်းရွတ်ဖတ်ခြင်း မေတ္တာပို့ဆုတောင်းခြင်းနှင့် သီလပေးတရားဟောခြင်းများ ပြုလုပ်ပေးပါသည်၊ ဘုရားဝင်းထဲမှာ တပေါင်းလပြည့်နေ့ အာရုဏ်ဆွမ်းကပ်ကြတာတော့ ကြိတ်ကြိတ်တိုးပါပဲ၊ ရိုးရာဝတ်စုံ မဲမဲ မဲမဲတွေနဲ့ အလွန်ချစ်စရာကောင်းသော အချိန်ပါ၊ ပြီးရင်ဆွမ်းလောင်းပွဲစပါသည်၊ ဗုံသံဆိုင်းသံတွေနဲ့ တကယ့်ရိုးရာဓလေ့ပါပဲ။

မွေတော်ကက္ကူစေတီတွေရဲ့ထူးခြားချက်တွေရှိပါတယ်၊ စေတီများ၏ ထီးတော်များ၊ ဖေါင်းရစ်များ၊ စေတီတွင်ရှိသော ရုပ်ပွားတော်တွေ နှင့် ရုပ်တုများဖြစ်ပါသည်၊ ပုဂံခေတ်မှသည် အမရပူရခေတ်ထိ တည်ထားကိုးကွယ် ပြင်ဆင်ကိုးကွယ်မှုများကြောင့် လက်ရာကွဲများကိုတွေ့ရသည်၊ ရှေးမြန်မာ ပန်းတော့၊ပန်းတမော့၊ ပန်းပု ပညာတွေကိုထိုနေရာတွင် ထင်ရှားစွာတွေ့ရသည်၊ ထိုရုပ်တုများမှတဆင့် ရှေးခေတ် ဝတ်စားဆင်မှု နှင့် သမိုင်းတို့ကိုပြန်လည်လေ့လာနိုင်သည်၊ ခေါင်းလောင်းစာ ကမ္ဗည်းစာများက ဒေသရဲ့သမိုင်း နိုင်ငံနှင့် တိုင်းရင်းသားလူမျိုးတို့၏သမိုင်းကို ပြန်ပြောပြနေသည်။


ကက္ကူစေတီတော်ရဲ့ ပြင်ပက မွမ်းမံခြယ်သထားမှုတွေဟာရိုးရှင်းပါသည်၊ ကနဦးတည်ခဲ့တဲ့သူတွေဟာ ကျက်သရေရှိရေးကိုသာ အထူးအာရုံပြုပြီး ဆောင်ရွက်ခဲ့ပုံရပါသည်၊ တချို့စေတီတွေမှာတော့ အပြောက်အမွမ်းတွေ ဆင်ယင်ထားသည်၊ ရိုးရာကနုတ်ပန်းတွေနဲ့ ယှက်နွယ်ထားတဲ့ ပုံသဏ္ဍာန်မျိုးရယ်၊ ပင်စည်ရိုးတံတွေ လိမ်ထားတဲ့ ပုံသဏ္ဍာန်တွေကို ရိုးရာပညာနှင့် ဖော်ကျူး ဆင်ယင်ထားပါသည်၊ အမြင့်ဆုံး အနုပညာလက်ရာမြောက်မှုတွေကို အနုစိတ်ဖန်တီးထားတာကို မြင်ရပါလိမ့်မည်၊ လက်ရာအမြောက်ဆုံးကတော့ အင်္ဂတေမှ ထွင်းထုထားတဲ့ ရုပ်လုံးရုပ်ကြွတွေ ဖြစ်ပါသည်၊ ဆေးရောင်တွေလည်းချယ်ထားပါသည်၊ နဂါး၊ ဂဠုန်၊ ခြင်္သေ့ တွေရဲ့ လက်ရာတွေက တစ်မျိုးထူးခြားပါသည်၊ ဆင်ခံဘုရားနှင့် မြင်းရုပ်ကြီးတွေလဲရှိသည်၊ တချို့ ရှေးဟောင်းရုပ်ပွားတော်တွေကို လိုင်ခေါင်း ထွင်းထားပြီး အတွင်းမှာ ထည့်သွင်းပူဇော်ထားတဲ့ နေရာတွေရဲ့ဘေးမှာ ဘုရားရှင်ကို ငြိမ်သက်စွာ ပူဇော်နေတဲ့ ပုံစံမျိုး တည်ထားပါသည်၊ ကချေသည် ရုပ်တုတွေ သီဆိုတီးမှုတ်နေတဲ့ ဂီတအနုပညာသည်နှင့် နတ်သမီးရုပ်တုတွေဟာ ကျွမ်းကျင်တဲ့ အနုပညာနှင့် ထုလုပ်ထားတာကို တွေ့ရပါသည်။



လမ်းပန်းဆက်သွယ်ရေးကောင်းမွန်လာပြီး ကုန်သွယ်စီးဆင်းမှုဖွံဖြိုးလာသဖြင့် ပအိုပ်းလူငယ်လေးများကြားတွင် မြို့ယဉ်ကျေးမှုပျံနှံ့ခဲ့သည်၊ ခေတ်ပေါ်ပအိုပ်းအဆိုတော်များကို ကြိုက်ကြသလို အင်းထဲက လေးဖြူ၊ အငဲနှင့် စိုင်းစိုင်းခမ်းလှိုင်တို့ကိုလည်း ခုံမင်နှစ်သက်ကြသည်၊ အထူးသဖြင့် တောင်ကြီး၊ မန္တလေးနှင့် ကျိုင်းတုံဘက်က အမူအကျင့်များ နီးစပ်သလိုဝင်ရောက်လာသည်။

ဦးဇင်းက “အရက်ဆိုင်နဲ့ဓါတ်ဆီဆိုင် အများဆုံးမြို့ဆိုရင် မန္တလေးလို့ပြောရမှာပဲ၊ ဒီလိုပဲရန်ကုန်မှာ အစည်ဆုံးက အရက်ဆိုင်တွေ၊ အဲဒီ့အရက်ဆိုင်ယဉ်ကျေးမှု ရွာထဲကိုရောက်လာမှာ အစိုးရိမ်ဆုံးပဲ၊ တောင်ကြီးမှာလည်းတူတူပဲ နောက်ဆေးပြားတွေသုံးကြတာ ဒါလဲ အစိုးရိမ်ဆုံးပဲ၊ လူတွေရဲ့ သီလနှင့် စာရိတ္တကိုပျက်စေတယ်၊ နောက်ပြီးချဲထီတို့ နှစ်လုံးတို့ မောင်းလောင်းတာတွေ ရှိသေးတယ်၊ ဒါတွေလည်းမကောင်းဘူး၊ ဝေးတဲ့ဒေသမှာ ဘိန်းစိုက်ကြတယ်၊ ဘိန်းစိုက်သူ ဝယ်သူ ပွဲစားတွေကြားမှာ ပြဿနာတွေဖြစ် သတ်ကြသေကြတယ်၊ အမှုအခင်းတွေဖြစ်တော့ ကြီးနိုင်ငယ်ညှင်းမှုတွေရှိလာတယ်၊ သံဝေဂ ရစရာနှင့် စိတ်မကောင်းစရာတွေအများကြီးပဲ၊ ကိုယ်ကမလုပ်ပေမဲ့ ဆွယ်ကြတယ်၊ ပိုက်ဆံလွယ်လွယ်ရတော့ ပါသွားတယ်၊” ဦးဇင်းကပြောရင်း ခဏရပ်လိုက်သည်၊ ကျနော်စိတ်ထဲမှာတော့ နယ်မြေဒေသတိုးတက်မှုနှင့် နောက်ဆက်တွဲပါလာတာတွေက မနည်းပါလားလို့တွေးမိခြင်း ဖြစ်ပါသည်။


ဦးဇင်းကဆက်၍ “ဒီတော့ ဦးဇင်းတို့က တရားဟောရတယ်၊ ကိုယ်ယဉ်ကျေးမှု မပျက်အောင် မပြောက်အောင်၊ ကောင်းတာကိုယူ ဆိုးတာကိုထားခဲ့၊ သီလမြဲအောင်၊ သီလဟာအဓိကပဲ၊ ပိုက်ဆံနောက်လိုက်သွားရင် ပိုက်ဆံယဉ်ကျေးမှုပဲဖြစ်သွားမှာ၊ အဲဒီမှာ အုပ်ချုပ်တဲ့သူတွေကိုပြောရတယ် လူရိုသေရှင်ရိုသေအောင်နေလို့ ဒါမှထိန်းရသိန်းရလွယ်မှာ၊ အနည်းဆုံးငါးပါးသီလကို ဖြစ်နိုင်အောင်စောင့်၊ အုပ်ချုပ်တဲ့သူ သီလမြဲရင် လူရိုသေရှင်ရိုသေဖြစ်မယ်၊ ထိန်းရသိမ်းရလွယ်မယ်၊ နယ်မြေအေးချမ်းမယ်၊ ဖွံဖြိုးတိုးတက်မှုတွေ နောက်ကလိုက်လာမယ်၊ အုပ်ချုပ်တဲ့သူ သီလမမြဲလို့ကတော့ သွားပြီသာမှတ် လူရိုသေရှင်ရိုသေမဖြစ်ရင် ဘယ်လိုသွားထိမ်းမလဲ၊ ဓားမိုးပြီးအုပ်ချုပ်နေဦး နေရာတိုင်းမှာ ဓားမိုးတိုင်းလဲမရဘူး၊ ပရမ်းပတာနဲ့ပျက်ပြီသာမှတ်ပေတော့၊ ဒါကြောင့် ဦးဇင်းတို့နယ်မြေမှာ အုပ်ချုပ်တဲ့သူတွေကို သီလစောင့်ခိုင်းတယ်၊ ဘုရားမှာ သစ္စာဆိုစေတယ်၊ ဟုတ်တယ်မဟုတ်လား အုပ်ချုပ်တဲ့သူတွေ အနည်းဆုံး ငါးပါးသီလစောင့်၊ ဘုရားမှာသစ္စာဆိုသင့်တာပေါ့ ဒါမှလည်း လူရိုသေရှင်ရိုသေဖြစ်မယ်။”


“လူမျိုးတစ်မျိုး အဆင့်မြင့်တာ မမြင့်တာကို ကိုယ်ကျင့်တရားနှင့်တိုင်းရတယ်၊ ဘယ်လောက်ပဲခေတ်မှီတိုးတက်နေပါစေ ရုပ်ဝထ္ထုတွေပေါ်ပါစေ ကိုယ်ကျင့်တရားမကောင်းတဲ့လူမျိုး ဘာမှ အထင်ကြီးစရာမရှိဘူး၊ မန္တလေးကဆရာတော် တစ်ပါးကပြောပါတယ် ဒီလိုဗုဒ္ဓရဲ့ တရားဓမ္မတွေ ဟောဘို့ဆိုရင်မှာ ခွင့်ပြုချက်ယူရတာတို့ ဘာဟောမယ် ဘယ်လိုဟောမယ်တင်ပြရတယ် ဒါဆိုရင် ဒီခေတ်ပျက်တာပဲ၊ အဲဒီ့ဆရာတော်ကြီးတွေ ဟောတဲ့တရားကြောင့် တစ်ယောက်ယောက်က တရားရသွားနိုင်တယ်၊ နတ်တွေကလည်းတရားနာဖို့စောင့်နေကြတယ်၊ အဲဒါကိုအကြောင်းအကျိုးမသိပဲ တားမြစ်လိုက်ရင်၊ အဲဒီတားမြစ်လိုက်တဲ့ ပုဂ္ဂိုလ်ဟာ သံသာရာအဆက် ဘာအပြစ်တွေဖြစ်သွားသလဲ စဉ်းစားကြည့်ပေတော့၊” ဦးဇင်း တရားလိုလို ဘာလိုလိုပြောသွားတာကို နားထောင်ရင်း ကျနော် လေပူတချက်မှုတ်ထုတ်လိုက်မိပါသည်။


“ဦးဇင်းတို့ ပအိုပ်းတွေက မြန်မာပြည်နေရာအနှံ့ရှိတာ၊ ဒီရှမ်းပြည်၊ မန္တလေးတိုင်း၊ ပဲခူးတိုင်း၊ မွန်ပြည်နယ်၊ ကရင်ပြည်နယ် ကနေ ကယားပြည်နယ်ထိပေါ့၊ ဒီရှမ်းပြည်ဘက်မှ တိုးတက်အောင်စလုပ်နိုင်ပြီ၊ ဝေးလံဒေသတွေနှင့် အခြားဒေသတွေကို တိုးတက်အောင် အပြုသဘောနဲ့ ဆက်လုပ်သွားရမှာပါ၊ ဦးဇင်းတို့မှာစီမံကိန်းတွေရှိပါတယ်၊ ဟိုပုံးလမ်း၊ ဆီဆိုင်လမ်း ကျောက်ဆည်ထိသွားမယ်၊ လမ်းပန်းဆက်သွယ်ရေးကို အဓိကထားလုပ်မယ်၊ နောက်ကဒေသဖွံ့ဖြိုးမှု လိုက်လာမယ်၊ ခုလိုဂျပန်တွေလာကူညီတာကို ကျေးဇူးတင်တယ်၊ သူတို့ကို မေတ္တာပို့ပါတယ်၊ ရွာထဲမှာတိုက်အိမ်တွေ တစ်လုံးပြီးတစ်လုံး၊ နောက်ဆုံးပေါ်ကားတွေ၊ ဆိုင်ကယ်တွေ ပေါလာတယ် ပေါ်လာတယ်၊ ဦးဇင်းတို့ ဝမ်းသာပါတယ်၊ ဒကာတွေအဆင်ပြေ ချမ်းသာလာကြတာ၊ ဒါပေမဲ့ သမာအာဇီဝဖြစ်ပါစေပေါ့၊” ဦးဇင်းရဲ့စကားကို ဒီမှာတင်ရပ်လိုက်ပါသည်၊ သာမညတောင်ဆရာတော်ဘုရားကြီးဟာ ပအိုပ်းလူမျိုးဖြစ်ကြောင်း ကျနော်ခုမှသိရပါသည်။

များမကြာမှီ အရှေ့တောင်အာရှ နှင့် အိမ်နီးချင်းနိုင်ငံတွေမှာ စိုက်ပျိုးမွေးမြူရေး ထွက်ကုန်တွေဈေးကောင်းလာပါမည်၊ စိုက်ပျိုးမွေးမြူရေးလုပ်တဲ့ ပအိုပ်းတွေအတွက်ရွှေခေတ်ဖြစ်ပေလိမ့်မည်၊ နည်းပညာအကူအညီရရှိမှု၊ လမ်းပန်းဆက်သွယ်ရေးနှင့် infrastructure တည်ဆောက်မှုသည် အဓိကကျပေသည်၊ ငြိမ်းချမ်းရေးမြတ်နှိုး၍ သီလသမာဓိနှင့် နေထိုင်ချင်သော ပအိုပ်း တိုင်းရင်းသားတွေဟာ ဒေသဖွံဖြိုးမှုကို အပြုသဘောနဲ့ လုပ်ဆောင်လျှက်ရှိပါသည်။


တစ်ဖက်မှာလည်း ပြောင်းလည်းလာသော အခြေအနေနဲ့အတူ အသစ်အဆန်းများ ဝင်ရောက်လာမှု၊ စီးပွားရေးလောဘသမားများ ဝင်ရောက်လာမှု၊ သီလမြဲသူနဲ့ မမြဲသူ၊ သမာအာဇီဝနှင့် ဖြတ်လမ်းလိုက်လိုသူ စတဲ့ ဝိရောဓိတွေကို ရင်ဆိုင်ရပါလိမ့်မယ်၊ ဘယ်လိုပဲဖြစ်ဖြစ် ပအိုပ်း တိုင်းရင်းသားတွေကတော့ အသွင်ပြောင်းနေပါပြီ၊ ချစ်စရာကောင်းတဲ့ ယဉ်းကျေးမှု မပျောက်ပဲ တိုးတက်ကြီးပွားနိုင်ကြပါစေလို့……………………………………။


ပြီးပါပြီ။

ပန်းတမော့ အကြောင်းပြောပြသော ပန်းဆယ်မျိုးကျောက်အားကျေးဇူးတင်ပါသည်၊


အနုပညာလက်ရာများ








































































ကိုးကား
မွေတော် ကက္ကူဘုရားသမိုင်း
ကက္ကူစေတီစု လေ့လာရေးမှတ်တမ်း၊ ဦးသိန်းသန်းထွန်း၊ ဦးခွန်ရာမ
မွေတော်ကက္ကူ၊ မိုနိုလေး
ဆရာတော်နှင့် ဦးဇင်းတို့၏ ပြောပြချက်များ၊

18 comments:

မေဓာဝီ said...

ဦးဇင်းပြောတာကို သိပ်သဘောကျတယ် ကိုဆိုဆီရေ ...
အုပ်ချုပ်သူတွေကို ငါးပါးသီလမြဲစေဖို့ သစ္စာဆိုခိုင်းတယ်ဆိုတာ တကယ်ကို လုပ်သင့်တဲ့ ကိစ္စပါ။ လူတိုင်း သီလမြဲလို့ကတော့ တရားရုံးတွေ ဂါတ်တွေ ထောင်တွေမှာ လူကိုရှိမှာမဟုတ်ဘူး။
"လူမျိုးတစ်မျိုး အဆင့်မြင့်တာ မမြင့်တာကို ကိုယ်ကျင့်တရားနှင့်တိုင်းရတယ်၊" ဆိုတာလဲ သိပ်မှန်တာပဲ။ ဒါနဲ့ တရားဟောရင် ခွင့်ပြုချက်ယူနေရပြီလား ... အတော်ခွကျပါလားနော်။
ဗုဒ္ဓဘာသာတိုင်းပြည် မဟုတ်သလိုပါပဲလား ... ။

မှတ်ချက်။ ။ ဓာတ်ပုံတွေ အလွန်ကောင်းပါ၏။

ကိုဇော် said...

မိရိုးဖလာ တရားပွဲတွေတောင်မှ အခုတော့ ခွင့်ပြုမိန့် ဆိုတာ လိုလာပြီလို့ ကြားနေရတာပါပဲ။ ယဉ်ကျေးမှု ဆိုတာကလည်း စိတ်ထက် ရုပ်က ပိုပြီး ကူးစက် လွယ်တယ် မဟုတ်လား။ ပုံတွေ ကြည့်ခွင့် ရတဲ့ အတွက် ကျေးဇူးပါ။

Angelhlaing(May everybody be happy and healthy! said...

မရောက်ဖူးသေးတဲ့ဒေသနဲ့အတူ မသိသေးတဲ့ ဗဟုသုတလေးတွေအတွက် ကျေးဇူးပါ အကို။ကောင်းသောနေ့လေးဖြစ်ပါစေရှင်။

လသာည said...

ပုံတွေအများကြီးပဲမြင်ရလို့ ကိုယ်တိုင်သွားရသလိုပဲ။ ကျေးဇူးတင်ပါတယ်။

ခေတ်တစ်ခုပဲဖြစ်ဖြစ်၊ လူနေမှုဘ၀တစ်ခုပဲဖြစ်ဖြစ် လက်ရှိကနေ နောက်တဆင့်ကို အသွင်ပြောင်းမယ်ဆိုတိုင်း အဲ့အဆင့်နဲ့ လိုက်လျောညီထွေမဖြစ်ခင်၊ နေသားမကျခင် ဘေးထွက် ဆိုးကျိုးလေးတော့ ရှိမှာပဲဆိုတဲ့အသိလေး ရသွားပါတယ်။

ဒီပိုစ်ထဲက ဦးဇင်းလို ပုဂ္ဂိုလ်တွေများများရှိနေမယ်ဆိုရင်တော့ ခေတ်ဘယ်လိုပြောင်းပြောင်း စိုးရိမ်စရာဆိုးကျိုးအဆင့်အထိ ဖြစ်မလာလောက်ပါဘူးလေလို့လည်း.ဆက်တွေးမိတယ်။

flowerpoem said...

ဦးဇင်းပြောတာ လေးက ကောင်းလိုက်တာ တကယ်ကိုဖြစ်သင့်တယ်နော်...လိုက်နာကျင့်သုံးနိုင်ရင် အကောင်းဆုံးပါ..

shwezinu said...

ကိုဆိုဆီ ရေ

ဗဟုသုတလေး တွေဖတ်သွားပါတယ် ကျေးဇူး

ခင်မင်စွာဖြင့်
ရွှေစင်ဦး

Anonymous said...

အသစ်ပြောင်းပြောင်း အဟောင်းမှာပဲနေနေ သီလသမာဓိက အဓိကပါပဲ၊
ဓါတ်ပုံတွေကောင်းပါတယ်၊

တောက်ပကြယ်စင် said...

လာရောက်ကြည်ညိုသွားပါတယ် ကိုဆိုဆီရေ၊ ဦးဇင်းလည်း ဟိုပုံးသားဖြစ်လျက်နဲ့ မွေတော်ကက္ကူဘုရားကို မဖူးဖူးသေးဘူး၊ ဒီတစ်ခေါက်ပြန်ရင်တော့ ဖူးဖြစ်အောင် ဖူးဦးမှ၊ ရွှင်လန်းချမ်းမြေ့ပါစေ

စော(အဝါရောင်မြေ) said...

တချို့ ပုံတွေက ပုဂံခောတ် လက်ရာနှင့် တူသလို့ပဲ တချို့ ကျပြန်တော့လဲ အင်းဝ လက်ရာလိုလိုနော်
ကျတော် မရောက်ဘူးသေးဘူး၊ ဓာတ်ပုံတွေတင်ပေးတာ ကျေးဇူး
နောက်မှ ကြိုးစားသွားရအုံးမယ်။
ဘုရားကတော့ ၅ပါးသီလဟာ အခြေခံ လူကျင့်ဝတ်ပါတဲ့ . . .။ ?

အဖြူရောင်နတ်သမီး said...

မရောက်ဖူးသေးဘူး..
ဓာတ်ပုံထဲကနေပဲ ဖူးမျှော်သွားပါတယ်..
ကိုယ်တိုင်ကိုယ်ကျ သွားရောက်ဖူးမျှော်ချင်ပါသေးတယ်...။

Anonymous said...

ဘုရားဖူး ဓါတ်ပုံတွေကြည့်သွားပါတယ်၊ အပြောင်းအလဲဆိုတာကတော့ အဆိုးလည်းရှိ အကောင်းလည်းရှိမှာပဲ၊ Min Min

ချော(အစိမ်းရောင်လွင်ပြင်) said...

မွေတော်ကက္ကူရဲ့ အနုလက်ရာတွေကို အသေးစိတ် လေ့လာကြည့်ချင်တယ် စိတ်ဝင်စားမိတယ်
ခုခေတ်မှာ မတွေ့ရတော့သလောက် ရှားပါးနေတဲ့ လက်ရာလေးတွေဖြစ်တာကြောင့် နိုင်ငံတော် အဆင့်အနေနဲ့ ထိန်းသိမ်းပြုပြင်မှု လုပ်သင့်တယ်လို့ ထင်ပါတယ်.. တန်ဖိုးဖြတ်မရတဲ့ ရှေးဟောင်းအမွေအနှစ်မို့ နှမြောလှပါတယ်..

Anonymous said...

awesome, just pure awesome

မြစ်ကျိုးအင်း said...

ရှေးခေတ်လက်ရာတွေကတော့ အံ့မခန်းပါပဲ။
တိမ်မြုပ် ပျောက်ကွယ်သွားတဲ့ ရှေးဟောင်း နေရာတွေလည်း အများကြီး ရှိအုံးမှာပါ။
နိင်ငံရဲ့ သမိုင်းတခုအနေနဲ့ ထိန်းသိမ်းကြရင် သိပ်ကောင်းမယ်။ သမိုင်းတန်ဖိုးကို ပြည်သူတွေ သိအောင်ပါ လုပ်ဆောင်ရမှာပါပဲ။

ရှေးခေတ်ရှင်ဘုရင်တွေ သီလမမြဲရင် ဆန်ရေစပါး ရိက္ခာရှားပြီး မိုးလေမမှန် ဖြစ်တာပဲ
နိင်ငံအနေအထားကို ပြန်ကြည့်ရင် အင်း...

ဂျစ်တူး ( မုံရွာ ) said...

ကျန်းမာပါစေမင်္ဂလာပါခင်ဗျာ-
အခုတော့ကျနော့်မှတ်ချက်တွေပေါ်တယ်ဗျို့ -
အရင်ရက်တွေကဘာဖြစ်လို့ပါလိမ့်ဗျာ-
ထားပါလေ-
အခုပို့စ်ကလေးတွေကိုပီဒီအက်ဖ်ဖိုင်ကလေးလုပ်ပြီးတင်
ထားပေးရင်ကောင်းမယ်နော်-

ကိုအောင်(ပျူနိုင်ငံ) said...

ငါးပါးသီလကို သူတို့က ပါးစပ်ကပဲ ရွတ်နေ
တော့လည်း အခက်သားလား ကိုစိုးစီရေ။

မေသိမ့်သိမ့်ကျော် said...

ဘုရားပွဲဈေးမှာရောင်းတဲ့ ဖယောင်းတိုင်တွေ တွေ့ခဲ့လားရှင့်။ အကြီးကြီးတွေလေ။ ငှက်ပျောတုံးပေါ်စိုက်ထားတာတွေ။ ခုကောရှိသေးလား မသိတော့ပါဘူး။

ခုမြင်ရတဲ့ ပုံတွေက ပြန်လည်မွမ်းမံထားတာ ဖြစ်မယ်ထင်တယ်။ ကျွန်မ အရင်တုန်းက ရောက်တုန်းက မမွမ်းမံ မပြင်ဆင်ရသေးဘူး။ အဲဒီတုန်းက သွားရောက်တဲ့သူတွေလည်း သိပ်မရှိသေးဘူးလေ။ ခုလို မွမ်းမံလိုက်တော့လည်း ပုံတွေ ပိုလှသွားသလို ၊ ပိုလည်းခိုင်ခန့်သွားတော့ ရည်ရှည်တည်တံ့သွားနိုင်တာပေါ့။

An Asian Tour Operator said...

စိတ်ဝင်တစား ဖတ်လို့ကောင်းနေတုန်း ပြီးပါပြီ ဖြစ်သွား ပါရောလား။ :-)