Thursday, February 24, 2011

မွေတော်ကက္ကူနှင့် အသွင်ပြောင်း ပအိုဝ်း


အခါအခွင့်ကြုံသဖြင့် ပအိုဝ်း ဒေသသုို့ရောက်ရှိခဲ့သည်၊ တောင်ကြီးမြို့က အနည်းငယ်သွားလုိုက်သောအခါ ကျောက်တစ်လုံး သုို့ရောက်ရှိခဲ့သည်၊ အတူလုိုက်လာသော ဂျပန်များက သူတုို့လုပ်စရာ ဒေသဖွံ့ဖြိုးရေး ကိစ္စများကုို ကုိုယ်စားလှယ်များနဲ့ဆက်လုပ်ကြသည်၊ ကျနော်ကတော့ စီစဉ်ပေးမှုဖြင့် ဂူစခန်းမှ မွေတော် ကက္ကူ ဘုရားများဘက်သို့ထွက်လာခဲ့သည်။

ပအိုဝ်း တိုင်းရင်းသားတွေဟာ ဗုဒ္ဓဘာသာဝင်များဖြစ်ကြပြီး ဘာသာရေးကို ရိုသေကိုင်းရှိုင်းကြသည်၊ အများအားဖြင့် စိတ်ရင်းကောင်းသူတွေ ဖြစ်ကြသည်၊ ဓလေ့ထုံးတမ်းအရ ရွာတစ်ရွာတွင် အကြီးအကျယ် အခမ်းနားဆုံးသည် စေတီပုထိုးနှင့် ဘုန်းကြီးကျောင်းပင်ဖြစ်သည်၊ ပုံမှန်သြဇာသက်ရောက်မှုသည် ဆရာတော်ဘုရားပေါ်တွင်ရှိသည်၊ ပအိုဝ်း တို့သည် ၎င်းတို့၏ဒေသများသို့ ဘာသာခြားများကို လက်မခံပေ၊ အထူးသဖြင့် အင်္ဂလိပ်တို့ခေါ်လာသော အိန္ဒိယတပ်သားများနှင့် အနွယ်ဝင်များကို လက်မခံပေ၊ ဝေးကွာသော ပအိုဝ်းနယ်တစ်ချို့သည် ကွန်မြူနစ်အားကောင်းခဲ့စဉ်က ကွန်မြူနစ်တွေဖြစ်ခဲ့သည်၊ ကွန်မြူနစ်များကျဆုံးချိန်တွင် ဘာသာရေးမရှိသည့်အတွက် အများအားဖြင့် ဗုဒ္ဓဘာသာပြန်လည်ကိုးကွယ်သော်လည်း နယ်စပ်နားကပ်နေသူများနှင့် တစ်ချို့သည် တခြားဘာသာသို့ကူးပြောင်းသွားခဲ့သည်၊ ထို့အတွက် သာသနာတည်တန့်ခိုင်မြဲရန် နှင့် ထိုဝေးလံသောဒေသများကို သွားရောက်ရန် ဆရာတော်များလိုအပ်ကြောင်း ပအိုဝ်းဆရာတော်ဘုရားက ဆိုသည်၊ ပအိုဝ်း ရဟန်းတော်များသည် တောင်ကြီး၊ မန္တလေးနှင့် မြန်မာပြည်မြို့ကြီးများတွင် သွားရောက်၍ ပညာသင်ကြားလျှက်ရှိကြသည်ဟု အမရပူရ မဟာဂန္ဓာရုံကျောင်းတိုက်တွင် ပညာသင်ကြားခဲ့သော ရဟန်းတစ်ပါးကဆိုသည်။

ဝေးသောဒေသများတွင် ဘိန်းစိုက်ပျိုးမှု အနည်းငယ်ရှိတုန်းပင်၊ ကျန်ဒေသများတွင် တခြားစီးပွားဖြစ်သီးနှံများကို စိုက်ပျိုးကြသည်၊ စိုက်ပျိုးရေးဖြင့်ကြီးပွားလာသူများ တဖြေးဖြေးနဲ့ပိုများလာပြီဖြစ်သည်၊ အိမ်ကသစ်သားအိမ်လေးဖြစ်သော်လည်း ဆိုင်ကယ်အနည်းဆုံးတစ်စီးရှိကြသည်၊ တစ်ချို့အိမ်များတွင် ထော်လာဂျီများရပ်ထားကြသည်၊ ခေါင်မိုးပေါ်တွင်ဆိုလာပြားတွေနဲ့ MRTV4 ကိုကြည့်နိုင်သည်၊ ချယ်ရီ FMကို နားထောင်နေကြပြီ၊ လမ်းတွင် အမဲသားရပြီ၊ ဝက်သားရပြီရေးထားသော အိမ်ဆိုင်လေးများ များစွာရှိသည်၊ ဆိုင်တစ်ဆိုင်တွင် အမသားရပြီလို့ ရေးထားသဖြင့် ကျနော်ရော ဘုန်းကြီးများပါရယ်ဖြစ်ကြသည်၊ နောက်နေ့ ဟိုပုံးနှင့် ဆီဆိုင် သွားရင် ဒီထက် စိတ်ဝင်စားစရာတွေ့ဦးမယ် ဒကာရေလို့ ဦးဇင်းကဆိုသည်။

ဒီလိုနဲ့ မွေတော် ကက္ကူ သို့ရောက်ခဲ့သည်၊ မြူတွေကြားက လှမ်းကြည့်ရာ အံ့မခန်းစရာစေတီများကို လှမ်းတွေ့ရသည်၊ ကျနော်သည် ပထမဦးဆုံးအကြိမ် ရောက်ဘူးခြင်းဖြစ်၍ ရှေးဟောင်းစေတီများကို တွေ့ရ ဖူးရရာ တကယ့် amazing အံ့သြ၀မ်းမြောက် ပီတိဖြစ်ဖွယ်ပင်၊ သစ်ကြီးဝါးကြီးများအလည် ကုန်းမို့ပြန့်ပြန့်လေးတွင် စေတီတွေ တစ်စုတစ်ဝေးထဲ ရှိနေခြင်းမှာ မွေတော်ကက္ကူ၏ အံ့မခန်းချက်တစ်ရပ်ဖြစ်ပါသည်၊ ထိုသို့ စေတီတွေ တစ်စုတစ်ဝေးထဲ ရှိနေခြင်းကို ပလိပ်တွင်တွေ့ဘူးသော်လည်း၊ မွေတော်ကက္ကူက တစ်စုတစ်ဝေးထဲ ပိုများပါသည်၊ စေတီပုထိုးပေါင်း ယခုအခါ အသစ်ရော အကောင်းရော အပျက်ရောပြုပြင်ထားတာရော ၂၅၀၀ လောက်ရှိသည်၊ သမိုင်းဆရာကြီးဦးသန်းထွန်း၏ မှတ်တမ်း ၂၀၀၁ခုနှစ်တွင် တွင် ၂၄၇၈ဆူရှိသည်ဆို၏၊ ၁၉၂၈ မှတ်တမ်းအရ ၂၅၄၈ကျော်၊ ၁၉၁၈ မှတ်တမ်းအရ ၂၄၀၂ဆူ၊ ပါးစပ်ပြောရာဇဝင်အရ တောင်သူကွမ်းညှပ်(တဖြတ်ဖြတ်) ဆိုပြီး ၇၆၂၃ ဆူရှိသည်ဟုဆိုသည်။

 ပရိဝုဏ်အတွင်းသို့ ဝင်ရောက်ဖူးမြော်သောအခါ စေတီကမ္ဘာထဲသို့ ရောက်ရှိသွားသလိုခံစားရသည်၊ ဘုရားဒကာ ဒကာမများ ကုသိုလ်ကောင်းမှုပြုခဲ့ကြသူများကို ကျေးဇူးတင်လေးစားကြည်ညှိမှုသည် လူကိုကြက်သီးထစေသည်၊ တန်ဘိုးမဖြတ်နိုင်သော သာသနာမြေ ရှေးဟောင်းအမွေပါကား၊ သာဓု သာဓု သာဓုဆိုမိသည်၊ ပြူပြင်မွမ်းမံမှုများက လုပ်နေပြီဖြစ်သည်၊ စင်္ကာပူ ရွှေကျောင်းဆရာတော်ကြီးအလှူများကို တွေ့ရသည်၊ တရုပ်လို ကမ္ပည်း ထိုးထားပေးသည်၊ ဗိုလ်ချုပ်ကြီးခင်ညွှန့်ကောင်းမှုကိုလည်း တွေ့ရသည်၊ မြန်မာစစ်ခေါင်းဆောင်တွေထဲမှာ ငါတို့အလေးစားဆုံးတစ်ယောက်ပါလို့ ဆရာတော်ကဆိုသည်၊ ဘာပဲဖြစ်ဖြစ် ထိုပုဂ္ဂိုလ်သည် မွေတော် ကက္ကူကို တစ်ခေတ်ဆန်းသလို ပအိုဝ်း တွေကိုလည်းပြောင်းစေခဲ့ပါတယ်၊ ဆရာတော် အမြဲတမ်း မေတ္တာပို့ပါတယ်လို့ဆိုသည်၊ ဒါကတော့ ဆရာတော်၏ ခံယူချက်ဖြစ်သည်။

ဘုရားပရိဝုဏ်အရှေ့တွင် စားသောက်ဆိုင်အကြီးကြီးရှိသည်၊ ခရီးသည်တွေအတွက်ဖြစ်နိုင်သည်၊ ကျနော်ကတော့ ဘေးနားကဆိုင်တန်းတွေပဲစိတ်ဝင်စားသည်၊ ဘုရားပန်းကပ်ချင်ရင် အဲဒီကဝယ်ခဲ့နိုင်သည်၊ တော်တော်ကြီးမားသော အပင်ကြီးများ၏ အောက်ခြေပင်စည်ကိုပတ်၍ ခုံတွေလုပ်ထားပေးသဖြင့် ပင်ပန်းကအနားယူနိုင်သည်၊ နွေရာသီဆိုပေမဲ့ အေးမြမှုကိုရရှိနိုင်သည်ဟုဆိုသည်၊ ကျနော်က စားသောက်စရာများကို လိုက်ကြည့်နေသဖြင့် ဆရာတော်နှင့်လိုက်လာသော မော်ဆရာက မင်းကို မနက်စာကျွေးဘို့စီစဉ်ထားပြီ၊ တဆီ့ထီလိုခေါ်တဲ့ ဆေးတော်ပွားရေနှင့်လည်း ဧည့်ခံဦးမယ်။
ဘုန်းကြီးမဟုတ်ပဲ တရားဟောဆရာ (ကွက်စိတ်)များကို မော်ဆရာများဟုခေါ်ကြသည်၊ ဘုန်းကြီးနီးပါးတတ်ကြသည်၊ တစ်ချို့က ဗေဒင်လည်းတတ်သည်၊ နတ်ဆရာ ပယောဂဆရာတစ်ချို့ကိုလည်း မော်ဆရာများဟုခေါ်ကြသည်၊ တဆီ့ထီမှာ ပအိုဝ်းရိုးရာ အားဆေးရည်တစ်မျိုးဖြစ်ပြီး များများသောက်က ခေါင်ရည်ကဲ့သို့ မူးသည်။ ဆေးမြစ် အနည်းဆုံးငါးမျိုးလောက်ကိုစိမ်ထားပြီး ထိုအရည်မှ ပွားယူရ၍ ဆေးပွားရေဟုလည်းခေါ်သည်။
မွေတော် ကက္ကူဘုရား၏ဘွဲ့အမည်များမှာ ကက္ကူ မွေတော်ဘုရား(၁၈၉၃ ကမ္ပည်း)၊ ရွှေဝက်ကူးဘုရား (နရပတိစည်သူသမိုင်း)၊ ရွှေဝက်ဂူဘုရား(ပအိုဝ်းပုရပိုက်များ)၊ သက်တူဘုရား(၁၈၁၆ မှတ်တမ်း)၊ ရွှေဂူကြီးဘုရား (၁၇၉၃ ခေါင်းလောင်း ကမ္ပည်း) တို့ဖြစ်သည်။

မွေတော် ကက္ကူဟု အမည်တွင်ပုံကိုပြောဆိုရာ၌ အထောက်အထားတွေရှိသလို ပါးစပ်ပြောရာဇဝင်တွေလည်းရှိသည်၊ တစ်ချို့က နရပတိစည်သူ တည်သည် သို့မဟုတ် ပြန်လည်ပြုပြင်မွမ်းမံသည့် သက်တူဘုရားမှ ကက်ကူဘုရားဖြစ်လာသည်ဟုဆိုသည်၊ တစ်ချို့က ကကုသန်ဘုရားမှ သန်ကိုချန်ထား၍ ကကုမှ ကက္ကူသို့ကူးပြောင်းလာသည်ဟုဆိုသည်၊ ကျနော်ယုံကြည်မိသည်က ယခုအခေါ် မွေတော် ကက္ကူသည်၊ ပအိုပ်းဘာသာစကား ကက် ကူ၊ ကက် = စခန်း၊ကင်းစခန်း နှင့် ကူ=နယ်ခြား ဖြစ်သည်၊ ပြန်ပြောရလျှင် နယ်ခြားစခန်းကဘုရားဖြစ်သည်၊ အဘယ်ကြောင့်ဆိုသော် မွေတော် ကက္ကူဘုရားရှိရာ ကက္ကူရွာနေရာသည် ဆီဆိုင်စော်ဘွားပိုင်နယ်နှင့် ညောင်ရွှေစော်ဘွားပိုင်နယ် အစပ်ဒေသတွင်ဖြစ်သည်၊ ထိုနယ်စပ်တွင်ရှိသောဘုရားဟု ပအိုဝ်း လိုခေါ်ကြရာမှ ကက္ကူဘုရားဖြစ်လာပုံရသည်။
မွေတော် ကက္ကူဘုရားတည်ထားကိုးကွယ်ခြင်းအစကိုလည်း မြန်မာ သမိုင်းဆရာအချို့က ပုဂံခေတ် အလောင်းစည်သူမင်း (၁၁၇၄-၁၂၁၁) ဖေါင်ဆိုက်ရာမှ တည်ထားကိုးကွယ်သည်ဟုဆိုသည်၊ ပအိုဝ်း မှတ်တမ်းများအရ နရပတိစည်သူမင်း တည်သည် သို့မဟုတ် ပြန်လည်ပြုပြင်မွမ်းမံသည် ဟုဆို၏၊ ပါးစပ်ပြောရာဇဝင်များအရ မွေတော် ကက္ကူဘုရားသည် ဗုဒ္ဓဘာသာတွင် သာသနာပြုသူရဲကောင်း မင်းကြီးဖြစ်တော်မှုသော သီရိဓမ္မာသောကမင်းကြီး၏ ရှစ်သောင်းလေးထောင် ၈၄၀၀၀ အလှူထဲမှ အလှူဖြစ်သည်ဟုဆို၏၊ ယနေ့တိုင် ရေတွင်းဟောင်း၊ ရေကန်ဟောင်း၊ သိမ်နေရာဟောင်း ရှိသေးသည်ဟုဆိုကြသည်၊ သီရိဓမ္မာသောကမင်းကြီး၏ သာသနာပြုလုပ်ငန်းနဲ့ ဆက်စပ်နေသော ထူးခြားသောအရာဖြစ်စဉ် ၆ခု ရှိသည်ဟုဆိုကြ၏၊ ၎င်းတို့မှာ ဓါတုစေတီ၊ ပရိဘောဂစေတီ၊ ရေတွင်းဟောင်း၊ ရေကန်ဟောင်း၊ ကျောင်းနေရာဟောင်း၊ သိမ်နေရာဟောင်းတို့ဖြစ်သည်။
(၁) သရီရဓါတ်မွေတော်များကို ဌာပနာသွင်းပြီး တည်ထားကိုးကွယ်သည့် စေတီဘုရား (ဓါတုစေတီ) ရှိခြင်း
(၂) ညေယျငါးဖြာလေးသစ္စာကို ထိုးထွင်းသိမြင်ပြီး မာန်ငါးပါးအောင်မြင်ရာ အပရာဇိတပလ္လင်ပေါက်ရောက်ရာ မဟာဗောဓိပင် (ညောင်ပင်)ကို စိုက်ပျိုးထားရှိခြင်း (ပရိဘောဂစေတီ)
(၃) ရှင်သောန နှင့် ရှင်ဥတ္တရတို့ သမုတ်ထားသော ရှေးဟောင်း ရဟန္တာ သိမ်တော်တည်ရှိခြင်း
(၄) ကျောင်းပေါင်း (၈၄၀၀၀) ရှစ်သောင်းလေးထောင်တွင် ပါဝင်သော ရှေးဟောင်းကျောင်းအထိမ်းအမှတ်အဖြစ် အဆောက်အဦးများ ကြွင်းကျန်ခြင်းမရှိသော်လည်း ရှေးဟောင်းကျောင်းနေရာ တည်ရှိခြင်း
(၅) ရေတွင်းပေါင်း (၈၄၀၀၀) ရှစ်သောင်းလေးထောင်တွင် ပါဝင်သော အထိမ်းအမှတ် ရေတွင်းရှိခြင်း
(၆) ရေကန်ပေါင်း (၈၄၀၀၀) ရှစ်သောင်းလေးထောင်တွင် ပါဝင်သော အထိမ်းအမှတ် ရေကန်ရှိခြင်း
ဤအရာခြောက်မျိုးတို့ အခိုင်အမြဲထင်ရှားတည်ရှိခြင်း ဖြစ်သည်၊

ဘယ်လိုပဲဖြစ်ဖြစ် ဓါတ်တော်မွေတော်များ ပူဇော်ထားသော မွေတော် ကက္ကူဘုရားကို လူတိုင်းကိုးကွယ်ခွင့်ရကြပြီဖြစ်သည်။
ဘုရားသမိုင်းကိုပြောကြရာမှာ
“ဗုဒ္ဓဘာသာတရားတွင် ဘုရား၊တရား၊ သံဃာ ရတနာသုံးပါးကို ဆည်းကပ်ယုံကြည် ကိုးကွယ်မှုပြုရာ၌ ယုံကြည်မှုသဒ္ဓါတရားအပြင် အမှားအမှန်ခွဲခြားမှု၊ ကျိုးကြောင်းဆင်ခြင်မှု လက်တွေ့ကျင့်သုံးပြီး ကိုယ်တိုင်သဘောပေါက် ထိုးထွင်းသိမြင်နိုင်သောပညာတို့ကို အခြေခံထားသည်၊
သို့ဖြစ်၍ ဗုဒ္ဓဘာသာတရားသည် အခြားသောဘာသာတရားတို့ကဲ့သို့ ယုံကြည်မှုသက်သက်ဖြင့် တည်ဆောက်ထားသော ဘာသာရေးမဟုတ်ပေ၊ ကိုယ်တိုင်လက်တွေ့ကျင့်သုံးရသော ဘာသာတရားဖြစ်သည်၊ ဗုဒ္ဓဘုရားကိုယ်တိုင်ကလည်း မျက်ကန်းယုံကြည်မှုကို အားမပေးချေ၊
ဗုဒ္ဓဘုရားရှင်၏ ကြွင်းကျန်ရစ်သော ဓါတ်တော်မွေတော်များကို ဌာပနာသွင်း ကိုးကွယ် ပူဇော်ကြရာ၌ မွေတော် ကက္ကူဘုရားစေတီသည်လည်း တစ်ဆူအပါအဝင်ဖြစ်ပါသည်။”

ဦးအောင်ခမ်းထီ
ဥက္ကဋ္ဌ
ပအိုဝ်းအမျိုးသားများအဖွဲ့ချုပ်
ရှမ်းပြည်နယ်တောင်ပိုင်း၊ အထူးဒေသ ၆
ကိုယ်ပိုင်အုပ်ချုပ်ရေးဒေသ
ဟူ၍ ဘုရားသမိုင်းစာအုပ်တွင် အစ၌ ရေးသားဖေါ်ပြထားသည်။


ဆက်လက်ဖေါ်ပြပါမည်။

ရှေးဟောင်းရုပ်ပွားတော်တွေနှင့် ပန်းပုရုပ်များ၏လက်ရာကား ထူးခြားလှပေသည်၊




ထီးတော်အဟောင်းများ

                                                   စင်္ကာပူ ရွှေကျောင်းဆရာတော်ကြီးအလှူ
                                                ပြုပြင်ဆဲ 
  
                                                         ဆင်ခံဘုရားနှင့် ပအိုးလုံခြုံရေးတပ်  




ကိုးကား
မွေတော် ကက္ကူဘုရားသမိုင်း
ကက္ကူစေတီစု လေ့လာရေးမှတ်တမ်း၊ ဦးသိန်းသန်းထွန်း၊ ဦးခွန်ရာမ
မွေတော်ကက္ကူ၊ မိုနိုလေး
ဆရာတော်နှင့် ဦးဇင်းတို့၏ ပြောပြချက်များ၊

Wednesday, February 16, 2011

ကျနော့်နာမည် ခန် (My name is Khan)


နာမည်တစ်ခုကို အစပြုပြီးဖြစ်သွားတဲ့ ဇာတ်လမ်းလေးကိုရိုက်ထားတဲ့ Bollywood ရုပ်ရှင်ကားတစ်ကားဖြစ်ပါသည်၊ ပြသသွားတာ တစ်နှစ်ရှိပေမဲ့ ခုမှကြည့်ဖြစ်ပါသည်၊ post 9/11 America ရဲ့အခြေအနေတစ်ချို့ကိုတင်ပြသွားသလို၊ အစ္စလာမ်နှင့် တစ်ခြားသူတွေရဲ့ခြားနားမှုတွေကို ပြသွားသလို၊ အစွန်းရောက်တွေရဲ့ လွဲမှားတဲ့အမြင်တွေကို ဖေါ်ပြသွားသည်၊ ဥပမာ ဂျီဟတ် နှင့် ကိုရာဘာနီ စကရီဖိုင်းတွေကိုရှင်းပြသွားသည်၊ ခရစ်ယာန်တွေကိုပဲ လူရာသွင်းချင်သော အမေရိကန်အသိုင်းအဝိုင်း အချို့ကို ထောက်ပြသွားတာက အကြိုက်တွေ့စရာပါပဲ၊ အထူးသဖြင့် လူသားနှစ်ဦးရဲ့ ပေါင်းသင်းဆက်ဆံရေး၊ ပတ်ဝန်းကျင် အကျိုးသက်ရောက်မှုတွေကို ထိခိုက်စွာတင်ပြသွားတဲ့ ဒါရိုက်တာ Karan Johan ကိုလေးစားမိပါသည်၊ သရုပ်ဆောင်ကောင်းတဲ့ ရှရွတ်ခန် Shah Rukh Khan နှင့် ကာဂျို Kajol တို့ အပီသရုပ်ဆောင်နိုင်ကြပါသည်။


ဇာတ်လမ်းအကျဉ်းကတော့၊ ကုလားပြည်က ကိုလိုနီနာမည်ဘုံဘေမှ မူဘိုင်းလို့ ပြောင်းထားတဲ့မြို့စွန်လေးဆီက အဖွားကြီးတစ်ယောက်မှာ သားနှစ်ယောက်ရှိသည်၊ သားကြီးကပုံမှန်မဟုတ် ဒါပေမဲ့သူမှာထူးခြားချက်တွေရှိတယ်၊ ပြင်တာပြုတာဝါသနာပါသည်၊ သားငယ်က စာတော်သည်၊ လူတွေကအရူး ကျပ်မပြည့်လို့သတ်မှတ်ထားတဲ့ သားကြီးကိုပဲဦးစားပေးတဲ့အမေကို သားငယ်ကသိပ်မကျေနပ်၊ သားငယ် ၁၈နှစ်အပြည့်မှာ အမေရိကကို စကောလားရှစ် ပညာသင်ခွင့်ရပြီး အဲဒီမှာပဲအခြေချနေထိုင်ဖြစ်ခဲ့သည်၊ အိမ်ထောင်ကျတော့ အမေကိုို အမေရိကကိုခေါ်ရာ၊ သားကြီးမပါရင်မလိုက်ဟုဆိုခဲ့သည်၊ ခေါ်ယူဘို့စီစဉ်နေတုန်းမှာပဲ အမေဆုံးပါးသွားခဲ့သည်၊ ဒီလိုနဲ့ သားကြီး ရစ်ဗန် Rizwan Khan တစ်ယောက် ညီ ဇခရာ Zakir Khan စီရောက်လာခဲ့သည်။


ရစ်ဗန်၏အလေ့တစ်ခုမှာ စကားတွေကို အမှတ်ရစေသည်၊ တစ်ခါတစ်လေ ထပ်တလဲလဲပြောသည်၊ နဖူးထိပ်က ဆံပင်လေးကို ကိုင်လေ့ရှိသည်၊ လက်ထဲတွင် ကျောက်ခဲလေးတွေကိုလှည့်ပြီး ပုတီးစိတ်သလို လုပ်နေလေ့ရှိသည်၊ ညီစီရောက်ရောက်ချင်းမှာပဲ ညီရဲ့မိန်းမ ဟာဆီယာက ဆလမ်မာလေးကွမ်းဘိုင် ဟုနှုတ်ဆက်ရာမှအစပြုပြီး ရစ်ဗန်သည် Asperger’s Syndrome ဝေဒနာခံစားနေသူဖြစ်ကြောင်း သိရှိသွားသည်၊ ဟာဆီယာသည် နယူးယောက် ဘရွက်ကလင်းကဖြစ်ပြီး စိတ်ပညာရှင်ဆရာမတစ်ယောက်ဖြစ်သည်၊ ဟာဆီယာ၏ အကူအညီဖြင့် ရစ်ဗန်တစ်ယောက် တိုးတက်မှုရှိလာသည်၊ ဟာဆီယာက သူ့ကိုဗွီဒီယိုကင်မရာလေးဝယ်ပေးသည်၊ လူတွေကြောက်သည်အခါ သုံးရန်ဖြစ်သည်၊ ဘာလို့လဲဆိုတော့ သူကလူတွေကိုဘယ်တော့မှ တည့်တည့်မကြည့်၊ ညီ ဇခရာ ၏အကူအညီဖြင့် Herbal products ရောင်းသူဖြစ်လာသည်၊ သူ၏ပြင်းပြသော အသံတွေကြောက်ရွံ့မှု၊ အဝါရောင်ကို ကြောက်ရွံ့မှုတွေက ဆံပင်ညုပ်တဲ့ကောင်မလေး မန်ဒရာ Mandira နဲ့တွေ့ဆုံစေခဲ့သည်။

တကယ်တော့ မန်ဒရာသည် divorce လုပ်ထားသော သားတစ်ယောက်၏အမေဖြစ်သည်၊ မန်ဒရာသည် မိဘပေးစားသော သူကိုလက်ထပ်ပြီး အမေရိကရောက်လာသည်၊ ထိုနောက်သူ့ခင်ပွန်းက တခြားမိန်းမကိုကြိုက်ပြီး အိမ်ထောင်ပြိုကွဲသွားသည်၊ သူ့တွင် ဆာမိခေါ် ဆမ်ဟုခေါ်သော သားတစ်ယောက်ရှိသည်၊ ဆမ်သည် သူ့အတွက် အသက် ဘဝဖြစ်သည်။


ညီဖြစ်သူ ဇခရာ က ဟိန္ဒူအမျိုးသမီးတစ်ယောက်ကို လက်မထပ်ရန် တားနေသည့်ကြားက ရစ်ဗန်သည် မန်ဒရာနှင့် လက်ထပ်ဖြစ်ခဲ့သည်၊ တစ်ယောက်က အလာကိုရှစ်ခိုးနေစဉ်မှာ၊ တစ်ယောက်က သီဝဘုရားကို ပူဇော်ကာ ကိုယ်ပိုင်လုပ်ငန်းတွေလုပ်ရင်း အဆင်ပြေစွာနေထိုင်ခဲ့ကြသည်၊ မန်ဒရာ နှင့်ဆမ်တို့သည် သူတို့၏ ဆာနိမ်းများကို မန်ဒရာခန်နှင့် ဆာမီရာခန်အဖြစ်ပြောင်းလဲခဲ့သည်၊ သူတို့သည် အိမ်နှီးနားချင်းဖြစ်သော ဆာရာ၊ မက်ခ် တို့နှင့် ရင်းနှီးစွာနေထိုင်ကြသည်၊ သူတို့၏သား ရီဆီနှင့် ဆမ်တို့သည် အရင်းနီးဆုံး သူငယ်ချင်းများဖြစ်ကြသည်၊ ထိုသို့ပျော်ရွင်စွာနေထိုင်ခဲ့ကြသော မိသားစုဘဝများသည် 9/11 အဖြစ်အပျက်များက ပြောင်းလဲပစ်လိုက်သည်၊ 9/11နောက်ပိုင်း အမေရိကန်လူဖြူများသည် တောင်အာရှသားများကို အညိုးထားရန်ရှာ ဖျက်ဆီးမှုများလုပ်လာကြသည်၊ အိမ်နီးချင်း မက်ခ်တစ်ယောက် အာဖဂန်မှာ တာဝန်ထမ်းဆောင်ရင်း သေဆုံးသွားသည်၊ ထိုအတွက် ရီဆီက သူ့အဖေကို မွတ်ဆလင်များသတ်လိုက်သည်ဟု အယူစွဲ၍ ဆမ်ကိုမခေါ်တော့ပေ၊ ဆမ်ကအတင်းလိုက်ခေါ်ရာမှ ဘောလုံးကွင်းတွင် လူငယ်တစ်စု၏ Racial တိုက်ခိုက်မှုကြောင့်သေဆုံးသွားသည်။


မန်ဒရာတစ်ယောက် သားသေဆုံးမှုအတွက် ယူကြုံးမရဖြစ်ရသည်၊ သူ့ကိုယ်သူအပြစ်တင်ရင်း သူသာမွတ်ဆလင် ခန်နှင့် လက်မထပ်ခဲ့ရင်၊ ဆာနိမ်းများကို မန်ဒရာခန်နှင့် ဆာမီရာခန်အဖြစ်မပြောင်းလဲခဲ့ရင် သားဆမ်တစ်ယောက်ဒီလို ရက်စက်စွာ အသတ်ခံရမည်မဟုတ်ဟု ထင်မြင်ပြီး ရစ်ဗန်ခန်ကိုအမုန်းပွားကာ သူ့ရှေ့ကထွက်သွားဘို့တောင်းဆိုလိုက်သည်၊ ရိုးသားသောရစ်ဗန်က သူထွက်သွားပါမည်၊ ဘယ်အချိန်ခါပြန်လာရမလဲမေးရာ၊ လူတွေကိုလိုက်ပြောလိုက်၊ ပြီးရင် အမေရိကန်ပြည်ထောင်စုရဲ့ သမ္မတကိုပြောလိုက် ငါ့နာမည်ခန်၊ ငါဟာအကြမ်းဖက် သမားတစ်ယောက် မဟုတ်ဘူးလို့၊ My name is Khan, I am not a terrorist ပြီးရင်ပြန်လာခဲ့လို့ဆိုလိုက်သည်။


ထိုနေ့ကစပြီးရစ်ဗန်တစ်ယောက် သမ္မတကို My name is Khan, I am not a terrorist လို့ပြောရန် ခရီးစထွက်လာသည်၊ လမ်းခရီးတွင် အမေရိကန်မွတ်ဆလင် တစ်ယောက်၏ 9/11နောက်ပိုင်း ခွဲခြားခံရမှုတွေကို ကြုံရသော်လည်း စိတ်မပျက်ခဲ့ပဲ သမ္မတကိုတွေ့ရန်ခရီးဆက်ခဲ့သည်၊ LA ဗလီတွင် အစွန်းရောက်မွတ်ဆလင်များ၏ လှုပ်ရှားမှုများကို FBI ကိုသတင်းပေးခဲ့သည်၊ LA တွင် သမ္မတကိုတွေ့၍ သမ္မတကြီးခင်ဗျား ငါ့နာမည်ခန်၊ ငါဟာအကြမ်းဖက် သမားတစ်ယောက် မဟုတ်ဘူးလို့၊ ပြောနေချိန်မှာပဲ လုံခြုံရေးတွေရဲ့ ရိုက်နှက်ဖမ်းဆီးခြင်းခံရသည်၊ terrorist ဆိုတာနဲ့ကြောက်ကြပုံ အမေရိကန်သမ္မတဂျော့ဘွတ် သေမှာကြောက်ပုံတွေက အမှတ်ရစေသည်၊ ဒါပေမဲ့သူ့ရဲ့ပြောဆိုပုံကို အလုပ်သင် သတင်းထောက်တွေက ရိုက်ယူခဲ့သည်။


ထိုအလုပ်သင် သတင်းထောက်တွေရဲ့ကြိုးပမ်းမှုကြောင့် ရစ်ဗန်တစ်ယောက် မီဒီယာတွင်ထင်ပေါ်လာပြီး နှိပ်စက်မေးမြန်းခံနေရာမှ လွတ်မြောက်လာသည်၊ လူတွေက သူဘာဖြစ်လို့ သမ္မတနှင့် တွေ့ချင်သလဲကို စိတ်ဝင်တစား သိချင်လာကြသည်၊ ရစ်ဗန်တစ်ယောက်ကတော့ သမ္မတနဲ့တွေ့နိုင်ရန် ခရီးဆက်ဆဲပါပဲ၊ ဒီလိုနဲ့ အမေရိကန်မှာ မော်လီမုန်တိုင်းကြီးကျရောက်လာပါသည်၊ ဂျော့ဘွတ်အစိုးရသည် ထိထိရောက်ရောက် ကူညီခဲ့ခြင်းမရှိ မီဒီယာမှ တင်ပြလာမှ နှောင့်နှေးစွာအကူအညီများ လုပ်ဆောင်ခဲ့သည်၊ အထူးသဖြင့် လူမဲအများဆုံးနေထိုင်ရာ ဒေသများကို ကူညီမှုနှေးကွေးခဲ့သည်၊ ထိုအထဲတွင် ဂျော့ဂျီယာက ဝီဟီမိနားဒေသလည်းပါသည်၊ ရစ်ဗန်တစ်ယောက် သူခင်မင်မိတ်ဆွေဖြစ်ခဲ့ရသော မာမာဂျယ်နီ နှင့် ပြောင်ချော်ချော်ဆံပင် ဂျိုးလ် တို့ကိုကူရန်ထွက်လာခဲ့သည်၊ သတင်းထောက်များ ထောက်ခံသူများလိုက်လာပြီး အစိုးရအကူအညီမပါပဲ ကိုယ်ထူကိုယ်ထ ဝီဟီမိနားကိုပြန်လည်ထူထောင်ကြသည်၊ သတင်းထောက်များက ရစ်ဗန်တစ်ယောက် ဘာဖြစ်လို့ သမ္မတနဲ့ တွေ့ချင်တာလဲကို ဖေါ်ထုတ်နိုင်ခဲ့ကြသည်၊ မန်ဒရာတစ်ယောက် ထိုသတင်းကြားပြီး ရစ်ဗန်ရှိရာ ဝီဟီမိနားသို့လိုက်လာသည်၊ တစ်ဘက်တွင်လည်း သား ဆမ်ကိုသတ်သော လူငယ်များကို ရီဆီ၏ဝန်ခံချက်ကြောင့် ဖေါ်ထုတ်နိုင်ခဲ့ပြီးဖြစ်သည်၊ ရစ်ဗန်၏ကြိုးပမ်းမှုကိုကြည့်ပြီး ရီဆီတစ်ယောက် သူထိမ်ချန်ထားသော ဆမ်သေဆုံးမှုကို ဝန်ခံခြင်းဖြစ်သည်၊ ထူထောင်ရေးလုပ်ငန်း ပြီးခါနီးတွင် သမ္မတပြောင်းတော့မည်ဖြစ်၍ သမ္မတနှင့်တွေ့ရန် ခရီးဆက်ဘို့ အသွားမှာ မန်ဒရာရှေ့မှာပင် မွတ်ဆလင်အစွန်းရောက် တစ်ဦး၏ဒါးဖြင့်ထိုးခြင်းကိုခံလိုက်ရသည်။


ပြန်လည်သတိရလာသောအခါ အမေရိကတွင် သမ္မတအသစ်ဖြစ်နေပေပြီ၊ လင်မယားနှစ်ယောက် သမ္မတနှင့်တွေ့ဆုံရန်ကြိုးစားရာ နောက်ဆုံး သမ္မတ အိုဘားမားနဲ့တွေ့ဆုံခွင့်ရခဲ့သည်၊ ပြီးတော့ My name is Khan, I am not a terrorist ဟုပြောခွင့်ရခဲ့သည်။


ကြည့်၍ကောင်းသော ရုပ်ရှင်တစ်ခုသာဖြစ်ပါသည်၊ ဇာတ်လမ်းထဲတွင် ကြိုက်သောအခန်းများမှာ အမေကသားကို အယူမမှားစေရန်အတွက် ပုံလေးဆွဲပြီး ကမ္ဘာပေါ်မှာ လူနှစ်မျိုးပဲရှိတယ်၊ ကောင်းတာလုပ်သော လူကောင်းများနှင့် ဆိုးတာလုပ်သော လူဆိုးများပဲဖြစ်တယ်၊ ဘယ်ဘာသာကိုးကွယ်ကိုးကွယ် ကောင်းတာလုပ်ရင် လူကောင်း၊ ဆိုးတာလုပ်ရင် လူဆိုးပဲဖြစ်တယ် ဆိုတာကိုပြထားသည်။


နောက်တစ်ခုက သမ္မတဘွတ် George W. Bush ရဲ့ အာဖရိကရန်ပုံငွေပွဲတွင် ခရစ်ယာန်မဟုတ်၍ တက်ရောက်ခွင့်မပေးသောအခါ $500 ပေးပြီး Honey Keep it ‘This is for those who are not Christians in Africa.’ အမေရိကန်ရဲ့ ခရစ်ယာန်ဦးစားပေးမှုကိုလှောင်ခဲ့ပုံ။


ကိုးကွယ်တဲ့ ဘာသာမတူပေမဲ့ ငြိမ်းချမ်းစွာအတူနေထိုင်နိုင်တယ်ဆိုတာကို မွတ်ဆလင်ခင်ပွန်း၊ ဟိန္ဒူအမျိုးသမီး၊ ခရစ်ယာန်အသိုင်းအဝိုင်းနဲ့ လှပစွာပြထားပြီး၊ ဝီဟီမိနားမှာရစ်ဗန်အတွက် church မှာ ပြောင်ချော်ချော်ဆံပင် ဂျိုးလ်တို့က သီချင်းဝိုင်းဆိုပေးတာတွေက ချစ်စရာကောင်းပါသည်။


ပြင်းထန်တဲ့ အမေရိကန်လူဖြူတစ်ချို့က ဒီရုပ်ရှင်ကားကို အဆိုးဝေဖန်မှုတွေလုပ်ခဲ့ပါတယ်၊ အချို့နိုင်ငံတွေမှာ ဆင်ဆာ အဖြတ်များသဖြင့် ဒါရိုက်တာ စိတ်ပျက်ခဲ့သည်ဟုဆိုပါသည်၊ ဒါရိုက်တာ ပေးချင်တာကိုလည်း ကျနော်လည်း ဆင်ဆာဖြတ်လိုက်ပါသည်။


အပြစ်မဲ့လူသားတစ်ယောက်အကြောင်းမဲ့ သေဆုံးခြင်းဟာ လူသားထူကြီးတစ်ရပ်လုံးသေဆုံးခြင်းပါပဲ ဆိုတာကိုပါပဲ။ အမေရိကန်မွတ်ဆလင် တစ်ယောက်၏ 9/11နောက်ပိုင်း ခွဲခြားခံရမှုတွေက၊ အမေရိကမှာ တကယ်ပဲလွတ်လပ်စွာ ကိုးကွယ်မှုရှိပါသလား၊ ဒါဆိုရင် နယူးယောက်မှာ ဗလီတစ်ခုဆောက်ခွင့်ကို ဘာလို့ကန့်ကွက်ကြပါသလဲ၊ ဘယ်လိုပဲဖြစ်ဖြစ်လွတ်လပ်စွာ သဘောကွဲလွဲခွင့်ကြောင့်လို့ဆိုကြပါတယ်၊ ဒါဆိုရင် တစ်ခြားနိုင်ငံတွေသွားပြီး ဘာလို့ church တွေဆောက်ခဲ့ကြပါသလဲဆိုတဲ့ မေးခွန်းတွေကျန်ခဲ့ပါသည်။


အတွေးထဲမှာတော့ ပြင်းထန်တဲ့ အမေရိကန်လူဖြူတွေလက်ခံရမှာက မွတ်ဆလင်တစ်ဦးရဲ့သား၊ ကျွန်မျိုးနွယ်စုကဆင်းသက်လာတဲ့ အမျိုးသမီးတစ်ယောက်ရဲ့ ခင်ပွန်းဟာ နိုင်ငံဦးသျှောင် သမ္မတတစ်ယောက်ဖြစ်နေပါပြီ၊ ပြီးတော့သူဟာ အာဖရိကန်သွေးတစ်ဝက်ပါပါတယ်၊ ကြိုက်သည်ဖြစ်စေ မကြိုက်သည်ဖြစ်စေ သမိုင်းမှာ ရာဇဝင်တင်ခဲ့ပါပြီ၊ ဒါအမေရိကန် ဒီမိုကရေစီပါ။

ဒါပေမဲ့ဘုရားသခင်ကလွတ်လိုက်တာဆိုပြီး ရေကူးပြီးတော့ ကျနော်တို့ဆီကိုတော့မလာခဲ့ပါနဲ့လို့။


ရုပ်ရှင်တစ်ကားကိုခံစားခြင်းသာဖြစ်ပါသည်၊ မည်သည့်ဘာသာကိုမှာရည်ညွှန်းခြင်းမရှိပါ။