Wednesday, December 21, 2011

မိုက်ကယ်ဘအေး နှင့် သူ၏ ပါရာနော်မယ် အထူးအဆန်းများ


မိုက်ကယ်ဘအေးနှင့် သူ၏အဖေ

မိုက်ကယ်ဘအေးသည် အသက်နှစ်ဆယ်ပြည့်တော့မည့် လူငယ်လေးတစ်ယောက်ဖြစ်သည်၊ မိုက်ကယ်ဘအေးဆို၍ ဦးဘအေး၏သားလို့ မထင်လိုက်ပါနဲ့ တကယ်တော့ ဦးဘအေး၏မြေး ဖြစ်ပါသည်၊ တနည်းဆိုရသော် ဦးဘအေးသည် သူ့အဖေ ဦးအောင်နိုင်ဝင်း၏ အဖေဖြစ်သည်၊
Father Name အဖေနာမည် ကို ပြောကြစတမ်းဆို မိုက်ကယ်ဘအေးအတွက် ငယ်ငယ်က တော်တော် ခေါင်းရှုပ်စရာ ဖြစ်ခဲ့သည်၊ ငါတို့မှာ အဖေနာမည် မရှိဘူးလို့ ပြောမိလျှင် မင်းအဖေမှာ နာမည်မရှိဘူးလား အမေးခံရသည်၊ ငါတို့က အဖေနာမည်ကို ဆက်သုံးလေ့ မရှိဘူး ငါတို့နာမည်တွေက လွတ်လပ်တယ် စသဖြင့် ရှင်းပြရတာတွေကလည်း မောလောက်ပါသည်၊ ဒါဆို မိုက်ကယ်ဘအေး ဆိုသည့် နာမည် ဘယ်လိုရလာသနည်း မေးဖို့ လိုပါလိမ့်မည်၊ သူအမေက သူ့ကို မိုက်ကယ်ဟုခေါ်သည်၊ သူ့အဖေက လူလေးဟု၎င်း အိမ်မှာဗိုလ်ကျသဖြင့် ဘုရင်လေးဟု၎င်း ခေါ်သည်၊ မူကြိုကျောင်းအပ်တော့ မိုက်ကယ်အောင်နိုင်ဝင်း ဟု နာမည်ပေးသည်၊ သူ့အဖေက မကြိုက်၊ မိုက်ကယ်ဝင်း၊ မိုက်ကယ်အောင် ဒါတွေကိုလည်း သူ့အဖေ တစ်ခုမှ မကြိုက်၊ နောက်ဆုံး သူ့အမေက မိုက်ကယ်ဘအေး ဆိုပြီး နောက်က အဖိုးနာမည် ထည့်ပေးလိုက်သည်၊ သူ့အရပ်နှင့်သူ့ဇာတ်မို့် မိုက်ကယ်ဘအေး နာမည်တွင်သွားခဲ့သည်၊ သူ့ကျောင်းတွင်တော့ သူနာမည်သည် သူငယ်ချင်းတွေကြား အထူးအဆန်းတစ်ခုပါ၊ တကယ်တော့ သူ့အဖေက သူသားကို ထူးထူးဆန်းဆန်း မြန်မာဘုရင်တစ်ပါး၏ နာမည်ကိုပေးဖို့ စိတ်ကူးထားသည် ဆို၏။  

မိုက်ကယ်ဘအေးကို အိုဘားမားနဲ့ နှိုင်းယှဉ်လို့ရသည်၊ အိုဘားမားနဲ့ နှိုင်းယှဉ်လို့ရသည်ဆိုတော့ အထူးအဆန်း ဖြစ်သွားသလို ဖြစ်သည်၊ တကယ်တော့ အိုဘားမားသည် အဖြူတစ်ဝက် အာဖရိကန်တစ်ဝက် ကပြား ဖြစ်သည်၊ မိုက်ကယ်ဘအေးသည်လည်း အဖြူတစ်ဝက် မြန်မာတစ်ဝက် ကပြား ဖြစ်သည်၊ သည်နိုင်ငံတွင် အရောအနှောများ ကပြားများ အများအပြား ရှိသည့်အတွက် မထူးဆန်းသော်လည်း သူ့အဖေ ဦးအောင်နိုင်ဝင်းတို့ အသိုင်းအဝိုင်းတွင် အထူးအဆန်း ဖြစ်သွားသည်၊ မိုက်ကယ်ဘအေးကို ကြည့်လျှင် အရပ်အလွန်မြင့်သော မြန်မာတစ်ယောက် အသားဖြူအောင်လုပ်ပြီး ဆံပင်ကိုကောက်ကာ ရွှေရောင်ဆိုထား သည်နဲ့တူသည်၊ အိုဘားမားသည် အဖြူတစ်ဝက် အာဖရိကန်တစ်ဝက် ဖြစ်သော်လည်း အများက အမဲအဖြစ်သာ လက်ခံကြသည်၊ ဘယ်လိုပင် တဝက် ကပြား ဖြစ်နေစေဦးတော့ သူ့ကိုလည်း မြန်မာ မြန်မာ ဟု အလွယ်တကူ ကျောင်းမှာခေါ်ကြသည်၊ Racist ကိုနားလည်သော ဆရာ တစ်ချို့၏ ပညာပါပါ ပြုပြင်ပေးမှုကြောင့် ကျောင်းသားအနည်းအကျဉ်းသာ ခေါ်ကြတော့သည်၊ ထိုဆရာကပင် nick name ကို ကိုယ်ဟာကိုယ်ပေးရန် ပြောသောအခါ အဖေနဲ့တိုင်ပင်၍ ဘုရင် (Bayin)ဟု ပေးလိုက်သည်၊ ဟလို ဘုရင်၊ ဘုရင် နေကောင်းလား စသဖြင့် ခေါ်ကြသောအခါ သူနှင့်သူ့အဖေတို့ ပြုံးမိကြသည်၊ ဒီနိုင်ငံ၏ အထက်တန်းကျောင်း တစ်ကျောင်းတွင် လူတိုင်းက ဘုရင် ဘုရင်လို့ ခေါ်နေသာ မြန်မာကျောင်းသား တစ်ယောက်ရှိနေသည်၊ ပို၍ ဆိုးသည်က ကျောင်းသားဆိုးများက သူ့ကို မြန်မာဘုရင် (Myanmar/ Burmese bayin) လို့ တွဲခေါ် နေသောကြောင့်ဖြစ်သည်၊ မြန်မာတွေ သိရှိသွားပါက ဒီအထက်တန်းကျောင်းတွင် မြန်မာဘုရင် ရှိနေသည်ဆို၍ အထူးအဆန်းဖြစ်တော့မည်၊ ရေသန့်ဘူးတွင် အရိပ်ပေါ်သလို ဂျာနယ်တွေ သတင်းစာတွေထဲ ရေးကြမည်လားမသိပါ။

ဘုရင်ခေါ် မိုက်ကယ်ဘအေး၏ အဖေကလည်း ခေသူမဟုတ်ပါ၊ သင်္ဘော အင်ဂျင်နီယာ တစ်ဦးဖြစ်ခဲ့ပြီး၊ လောလောဆယ်တွင် အကြီးတန်း အင်ဂျင်နီယာအဖြစ် အစိုးရဌာန တစ်ခုတွင် လုပ်ကိုင်နေသည်၊ သင်္ဘောလိုက်ပြီး အမေရိကားကို ရောက်ခဲ့ခြင်းဖြစ်သည်၊ အမေရိကန်သူ မိုက်ကယ်ဘအေးအမေနှင့် အကြောင်းပါသည်၊ အမေရိကားမှာ အခြေချ ဖြစ်ခဲ့သည်၊ မိုက်ကယ်ဘအေးအမေနှင့် အဖေတို့သည် မိုက်ကယ်ဘအေး ၄နှစ်အရွယ်တွင် လမ်းခွဲလိုက်ကြသည်၊ ထိုအချိန်မှစ၍ မိုက်ကယ်ဘအေးတစ်ယောက် အမေကို ဓါတ်ပုံတွေ ပို့စကဒ်တွေနဲ့သာ ရင်နှီးခဲ့ရသည်။

အဖေနှင့်သာ နေထိုင်ခဲ့ရသဖြင့် အမေသည်လည်း အဖေဖြစ်ခဲ့ရသည်၊ သူတို့သားအဖနှစ်ယောက် အိမ်တွင် မြန်မာလိုပဲပြောသည်၊ မိုက်ကယ်ဘအေး အဖေသည် သူ့အချိန်တော်တော်များများကို မြန်မာဗီဒီယိုဇာတ်လမ်းတွေ ကြည့်ရင်း ကုန်ဆုံးခဲ့သည်၊ သည်အတွက်လည်း မိုက်ကယ်ဘအေး တစ်ယောက် မြန်မာဗီဒီယိုဇာတ်လမ်းတွေနဲ့ ငယ်ငယ်ထဲက ရင်းနှီးခဲ့သည်၊ ကျော်ဟိန်းမှသည် ဒွေး၊ လွင်မိုး နေတိုးအထိ အကုန်သိသည်၊ ခုလောလောဆယ်တော့ မင်းသမီး ‘မယ်လိုဒီ’ ပါတဲ့ ဇာတ်လမ်းတွေ ကြည့်ဖြစ်နေသည်၊ ထိုကြောင့်လည်း မိုက်ကယ်ဘအေး မြန်မာစကားပြောလျှင် ရုပ်ရှင်ဆန်ဆန် ဇာတ်ဆန်ဆန် ပြောတတ်သည်၊ ဒီအတွက် မြန်မာပြည်က ရောက်လာသော ဆယ်ကျော်သက် မြန်မာမလေးတွေ မိုက်ကယ်ဘအေး၏ အပြောတွေကို သဘောကျ ကြသည်၊ မိုက်ကယ်က အရမ်းခင်လို့ ကောင်းတာပဲ ဖြစ်ကုန်၏။

မိုက်ကယ်ဘအေး၏ အဖေသည် မိန်းမနောက်ထပ် လက်ထပ်မယူသော်လည်း ဒီနေ့အထိ အနည်းဆုံး အမျိုးသမီး ဆယ်ယောက်လောက်နဲ့ တွဲခဲ့သည်၊ ထိုအထဲတွင် မြန်မာပြည်မှ ရည်ရွယ်ချက် အမျိုးမျိုးဖြင့် ရောက်လာသော မြန်မာအမျိုးသမီး လေးငါးယောက်လောက်ပါမည်၊ ဒီအတွက် အဖေနှင့်အတူ ကြီးပြင်းလာရသော မိုက်ကယ်ဘအေးအဖို့ မိန်းမတွေသည်မဆန်း အရေးတယူလည်း မရှိ၊ အဖေခြေရာထက်ကျော်ကာ ၁၅နှစ်သားလောက်ထဲက ရီးစားလိုလို ဘာလိုလိုတွေ အများကြီး တွဲဖြစ်ခဲ့သည်၊ မိုက်ကယ်ဘအေးအဖေသည် လောလောဆယ်တွဲနေသော အမျိုးသမီးနဲ့တော့ တွဲလာတာ ၂နှစ်ပြည့်တော့မည်ဆိုတော့ တော်တော်ကြာကြာ တွဲဖြစ်သည်ဟု ဆိုနိုင်သည်၊ ‘စိုးစိုးက မြန်မာဆန်လို့ကွ’ လို့ဆိုတော့ မိုက်ကယ်ဘအေးအတွက် မြန်မာဆန်သည်ဆိုသည်ကို အထူးအဆန်းဖြစ်နေခဲ့သည်၊ ဒီအမျိုးသမီးကို ကြည့်ကာ မြန်မာဆန်သည်ဆိုတာ ဘာလဲ ခဏ ခဏ စဉ်းစားမိသည်၊ တကယ်တော့ စိုးစိုး ဆိုသော အမျိုးသမီးသည် သူ့ထက် ဆယ်နှစ်ကျော်ကြီးကာ သူ့အဖေထက် အနှစ်နှစ်ဆယ်လောက် ငယ်သည်၊ သူကတော့ ဒီအမျိုးသမီးကို ခပ်ကြောင်ကြောင် တစ်ယောက်အဖြစ် သတ်မှတ်ထားသည်။
ဒီအမျိုးသမီးကြောင်ပုံတစ်ခုကတော့ အမှတ်ရစရာပါ၊
ရောက်ခါစက မိုက်ကယ်ဘအေး၏ သူငယ်ချင်းတွေက မိုက်ကယ်ဘအေးကို လာခေါ်သည် ‘မြန်မာဘုရင်’ ‘မြန်မာဘုရင်’ လို့ အိမ်ရှေ့မှာ လာခေါ်နေသည်ကို ဘာအတွေးပေါက်သွားလည်းမသိ စိုးစိုးပြန်ပြောလိုက်သည်က၊
‘မြန်မာဘုရင’် ‘မြန်မာဘုရင်’
“မြန်မာဘုရင်ဆိုတာ မရှိတော့ဘူး၊ သေသွားတာကြာပြီ”
‘ဗျာ၊ ဘယ်လို၊ ဘယ်တုန်းကလဲ၊’ သူငယ်ချင်းတွေ အလန့်တကြားဖြစ်သွားသည်၊
“ကြာပေါ့”
‘တကယ်လား၊ ဘယ်နေရာမှာ ဘာဖြစ်တာလည်း’
“အိန္ဒိယမှာ စိတ်ဓါတ်အရ သတ်စရာမလိုပဲ သတ်လိုက်တာ၊”
‘ဘာ အင်ဒီယန်းတွေက သတ်လိုက်တာ၊ ငါတို့ မကြားမိဘူး၊ ဟိုတစ်နေ့က ဖုန်းဆက်သေးတယ်’
“မဖြစ်နိုင်ပါဘူး သူက သေသွားတာကြာပြီ၊”
‘စိတ်မကောင်းစရာပဲ၊ မယုံပါဘူး၊’ ‘ဒါနဲ့ စကားမစပ် ခင်ဗျားက ဘယ်သူလည်း ဒီအိမ်မှာ မြန်မာဘုရင်နဲ့ ဘယ်လိုဆက်စပ်သလဲ၊’
“ငါက သမီးတော်၊” “ကဲပြန်တော့ ဒီမှာ မြန်မာဘုရင်ဆိုတာ မရှိဘူး၊ သေသွားတာကြာပြီ၊”
စိုးစိုး တစ်ယောက် မိုက်ကယ်ဘအေး သူငယ်ချင်းတွေကို မောင်းထုတ်နေသည်၊
ထိုအချိန်တွင် မိုက်ကယ်ဘအေးအဖေ ဦးအောင်နိုင်ဝင်း အခန်းထဲသို့ ဝင်လာသည်၊
‘ဟိုင်း အန်ကယ’် ‘အရမ်းဝမ်းနည်းပါတယ်’ ‘မြန်မာဘုရင်သေသွားပြီဆိုလို့ မယုံနိုင်စရာဖြစ်နေတယ်၊’
‘“မြန်မာဘုရင်မသေပါဘူး အခန်းထဲမှာ ရှိနေတယ် ဘယ်သူပြောတာလဲ သေသွားပြီလို့’” ဦးအောင်နိုင်ဝင်းကပြောလိုက်သည်၊
‘သမီးတော်က သေသွားပြီပြောတယ’် သူငယ်ချင်းတွေက ပြန်ဖြေသည်၊
‘“ဘယ်က သမီးတော်တွေ ရောက်လာတာ ဒီကောင်ရှုပ်ရှုပ်ရှက်ရှက် လုပ်ထားပြီ ထင်တယ်”’
‘သမီးတော်က သူလေ’ သူငယ်ချင်းတွေက စိုးစိုးကို လက်ညိူးထိုးပြလိုက်သည်၊
“အစ်ကိုကြီး ဒီလိုမပြောသင့်ဘူးလေ မြန်မာဘုရင်သေသွားပြီလေ သမိုင်းတွေ အစ်ကိုကြီးမေ့နေပြီ ထင်တယ်” စိုးစိုးက ဦးအောင်နိုင်ဝင်းကို လှမ်းပြောလိုက်သည်
‘“မြန်မာဘုရင် မသေပါဘူး အခန်းထဲမှာ ရှိနေတယ် စိုးစိုးတို့ နားလည်မှု လွဲနေတာပါ၊’” ဦးအောင်နိုင်ဝင်းက ပြောလိုက်ပြန်သည်၊
“နားလည်မှု လွဲနေတာ မဖြစ်နိုင်ပါဘူး၊ မြန်မာဘုရင် သေသွားပြီးတာ မြန်မာတွေအားလုံးသိတယ်”
စိုးစိုးက ဦးအောင်နိုင်ဝင်းကို ပြန်ငြင်းချက်ထုတ်သည်၊
သူငယ်ချင်းတွေကတော့ စိုးစိုးနှင့် ဦးအောင်နိုင်ဝင်းကြား ဘာတွေဖြစ်နေတာလဲ ပုံစံတွေနဲ့ ဖြစ်နေသည်၊

ထိုအချိန်တွင် မိုက်ကယ်ဘအေး အိမ်ရှေ့ခန်းထဲထွက်လာသည်၊
သူငယ်ချင်းတွေ အလန့်တကြား မိုက်ကယ်ဘအေးကို လက်ညိူးထိုးကာ
‘မြန်မာဘုရင်’ ‘မြန်မာဘုရင်’ ‘သူမသေဘူး’
စိုးစိုးက “သူက မြန်မာဘုရင် ဘယ်သူက ပြောတာလဲ”
သူငယ်ချင်းတွေက ‘သူ မြန်မာဘုရင်ဆိုတာ အားလုံးသိတယ်’
ဦးအောင်နိုင်ဝင်းက “‘စိုးစိုးရေ မိုက်ကယ်ကို ဒီမှာ မြန်မာဘုရင်လို့ ခေါ်ကြတယ် nick name ပေါ့၊’”
မိုက်ကယ်ဘအေးက ဘာတွေ ဖြစ်နေကြာတာလဲ
သူငယ်ချင်းတွေက ‘သမီးတော်က မင်းသေပြီလို့ပြောတယ’်
ဘယ်သူလဲ သမီးတော်ဆိုတာ မိုက်ကယ်ဘအေး မေးလိုက်သည်၊
အားလုံးက စိုးစိုးကို လက်ညိူးထိုးပြလိုက်ကြသည်၊

ထိုနေ့ကစပြီး မိုက်ကယ်ဘအေးတို့ အိမ်တွင် ခမည်းတော်၊ သမီးတော်နဲ့ မြန်မာဘုရင်တို့ နေထိုင်ကြလေသည်။


မိုက်ကယ်ဘအေးနှင့် မိုက်ကယ်ဘအေး

မိုက်ကယ်ဘအေးသည် သူတွင်ထူးဆန်းသော စိတ်ခံစားမှု သို့မဟုတ် စိတ်နယ်လွန် အဖြစ်တစ်ခုရှိသည်ဟု သူကိုယ်သူ ခံယူထားသည်၊ မိုက်ကယ်ဘအေးသည် ယခုခေတ် အမေရိကန်လူငယ် အများစုအတိုင်း Free thinker တစ်ယောက်ဖြစ်ပါသည်၊ ဒါပေမဲ့ society ဝင် တစ်ယောက်တော့ မဟုတ်ပါ၊ အမေက ခရစ်ယာန်တစ်ယောက်ဖြစ်ပြီး၊ ဗုဒ္ဓဘာသာ ကိုးကွယ်သူ အဖေနှင့် ကြီးပြင်းလာရပေမဲ့၊ ပတ်ဝန်းကျင် အသိုင်းအဝန်းကြောင့် Free thinker ဖြစ်လာခဲ့သည်၊ ဘုရားကျောင်းများသို့ အကြိမ်များစွာ ရောက်ဖူး တက်ဖူးခဲ့သော်လည်း အရာရာကို ဘုရားသခင်က ဖန်တီးသည် ဆိုသည်ကို လက်မခံသူ တစ်ယောက်ဖြစ်သည်၊ ထိုအတူ ဗုဒ္ဓဘာသာ ရဟန်းသံဃာကို ငါးခါလောက်သာ တွေ့ဖူးကြုံဖူးသူ တစ်ယောက်ဖြစ်သည်၊ အိမ်တွင် ဘုရားစင်ရှိသော်လည်း အဖေကိုယ်တိုင်က တစ်ခါတစ်လေမှ ရှိခိုးနေလေတော့ သူလည်း အမှုမဲ့ အမှတ်မဲ့ပင်၊ အဖေပြောပြသည်ကလွဲလို့ ဗုဒ္ဓဘာသာ အကြောင်းသိပ်မသိပေ။

အဖေနှင့်ပတ်သက်၍ အိမ်ကို စိုးစိုးဆိုသော အမျိုးသမီး ရောက်လာတော့ သူ့စိတ်ထဲတွင် ဒီအမျိုးသမီးကို အလွန်ရင်းနှီး ကျွမ်းဝင်သည့် စိတ်ခံစားမှုမျိုးကို ခံစားရသည်၊ တစ်နေရာ တစ်ချိန်ချိန်က စိုးစိုးနှင့်သူ စကားတွေ အများကြီး ပြောဖူးသလို အတူသွားအတူလာ ရှိခဲ့သည် ဆိုသည့် စိတ်အာရုံ တစ်မျိုးဖြစ်ပေါ်စေသည်၊ ဒါပေမဲ့ သေချာပြန်စဉ်းစားကြည့်လျှင် ဘာမှ မရေရာ ဘာမှ ပြန်မပြောနိုင်ပေ၊ ဒီနေရာကို ရောက်ဖူးသလိုလို၊ ဒီလူနှင့် စကားပြောဖူးသလိုလို၊ ဒီလူနှင့် ရင်းနှီးဖူးသလိုလို စသည့် ဒီလိုစိတ်မျိုးကို ငယ်ငယ်ကတည်းက သူတွင်ရှိကြောင်း သိရှိခဲ့ရသည်၊ သူအထက်တန်းကျောင်း ရောက်ခါစက ကျောင်းလေ့လာရေး ခရီးအဖြစ် West Virginia ရှိ Harpers Ferry သို့သွားရသည်၊ အမေရိကန် သမိုင်းတွင်ပါသော America revolutionary abolitionist ပထမဦးဆုံး ကျွန်တော်လှန်ရေး စဖြစ်ခဲ့သည့် နေရာဖြစ်သည်။

ဆရာမနှင့် ပြတိုက်တာဝန်ခံက သမိုင်းကို ရှင်းပြနေပြီး၊ ရုပ်လုံးကြွ သရုပ်ပြအခန်းသို့ ရောက်လာခဲ့သည်၊ အသံနှင့်အတူ ရုပ်လုံးကြွများ အသက်ဝင်ကာ တော်လှန်ရေးခေါင်းဆောင်John Brown ကို စစ်တပ်က ဝင်ဖမ်းသည့် အခန်း၊ John Brown ကို ကြိုးပေး သတ်ဖြတ်သည့် အခန်းများတွင် သူစိတ်သည် မြောပါသွားခဲ့သည်၊ ထိုအဖြစ်အပျက်ထဲတွင် သူကိုယ်တိုင်ပါနေသလို ခံစားရသည်၊ သူသည် စစ်သားတစ်ယောက်လား တော်လှန်ရေးသမား တစ်ယောက်လား မသိပါ၊ သေချာတာကတော့ သူသည်ရှေးဟောင်း သေနတ်တစ်လက်ကို ကိုင်ကာ ပစ်ခတ်ခဲ့ဖူးသည်၊ ဟိုတုန်းက သည်နေရာက အဆောက်အဦးပုံတွေ လူတွေသွားလာ လှုပ်ရှားနေပုံကို ပြန်မြင်လာသည်၊ သူငယ်ချင်းတစ်ယောက် က လာပြီး ဟေ့ ဘာရပ်လုပ်နေတာလည်း အားလုံး အောက်ရောက်နေပြီ ဆိုကာ သူကို နိူးသလို လာခေါ်မှ ဒီအာရုံတွေ သူဆီက ထွက်သွားသည်၊ ပြန်လည် စဉ်းစားတွေးကြည့်လျှင် ပြန်မမြင်ရတော့ပေ၊ တိုက်ဆိုင်မှသာ ပေါ်ပေါက်လာသည်ဟု သူထင်မိသည်။

တကယ်တော့ ဒီလို အဖြစ်မျိုးကို သူငယ်ငယ်ကလည်း ဖြစ်ဘူးခဲ့သည်၊ ငယ်သေး၍၎င်း ဘာကိုမှ သိပ်စိတ်မဝင်းစား၍၎င်း ထိုစဉ်က သူ အရေးတယူ မရှိခဲ့ပါ၊ မူလတန်းကျောင်းသား ဘဝတုန်းက နွေရာသီ ရက်ရှည် ကျောင်းလေ့လာရေး ထွက်ကြရာ ကယ်လီဖိုးနီးယား ပြည်နယ်သို့ သွားကြသည်၊ ထိုပြည်နယ်ရှိ ပြတိုက်လုပ်ထားသော သတင်းစာဆရာ သူဌေး တစ်ယောက်အိမ်သို့ ဝင်ရောက်လေ့လာကြရာ ထိုအိမ်ကြီးနှင့် သူရင်းနှီးသလို ခံစားရသည်၊ အိမ်ကြီးရှိ နေရာတော်တော်များများကို သူသိသလိုလို ရှိနေသည်၊ ဘေးကပါလာသော သူငယ်ချင်းကို ဟိုဘက်ကိုသွားလိုက် ရေကူးကန်ရှိမယ်၊ ဒါရုပ်ရှင်ပြတဲ့အခန်းကို သွားတဲ့နေရာ စသဖြင့် ပေါ်လာသလောက် ပြောကြည့်ရာ အကုန်မှန်နေ၍ သူငယ်ချင်းက မင်း ဒီကို ရောက်ဖူးသလားလို့ မေးခွန်းထုတ်ယူရသည့် အထိပင်။

ဒီအကြောင်းတွေကို အဖေကို ပြန်ပြောပြ ဖြစ်ခဲ့သည်၊
“အဖေကို ဘာကိုရှင်းပြရမလဲ၊ ဘယ်လိုပြောပြရမလဲ မသိဘူး၊ တစ်ချို့ အဖြစ်အပျက် အကြောင်းအရာ တွေမှာ၊ အဲဒီ အဖြစ်တွေကို သိနေသလိုလို၊ အဲဒီနေရာကို ရောက်ဖူးသလိုလို တိုက်ဆိုင်တာတွေ တွေ့ရင် အာရုံခေါ်မလား စိတ်ကူးအမြင် ထဲမှာ ပေါ်ပေါ်လာတယ်အဖေ” ဟုမေးခဲ့မိသည်၊
အဖေက ‘မင်းကတော့ တခြားသူနှင့်မတူ ထူးခြားနေတာလား၊ အတွေးလွန်တာလားတော့ မသိဘူး၊
ဒါပေမဲ့ အဖေတို့ ဗုဒ္ဓဘာသာမှာတော့ ဘယ်သူမဆို နိဗ္ဗာန်ကိုမရမချင်း ၃၁ ဘုံ ဘဝတွေမှာ ကျင်လည်ရတယ်၊ သံသရာလို့ ခေါ်တာပေါ့၊ အဲဒီ သံသရာလည်နေရတာကို ဆင်းရဲခြင်း ဖြစ်တယ်တဲ့၊ ဒီသံသရာက လွတ်မြောက်အောင် ဗုဒ္ဓဟောကြားလမ်းပြခဲ့တဲ့ တရားအတိုင်း မိမိကိုယ်တိုင် ကျင့်ကြံယူမှ သံသရာလွတ်ရာဖြစ်တဲ့ နိဗ္ဗာန်ကို ရောက်မှာဖြစ်တယ်၊’
‘ဒါကြောင့်မို့ အရင်ဘဝဆိုတာ ရှိတယ်၊ အရင်ဘဝတွေကို ပြန်သတိရ မရ အဖေလည်း သိပ်မသိဘူး၊ ဆရာတော် တစ်ပါးလာတော့မှ မေးကြည့်ပေးမယ်၊’
“ဒါဆိုရင် ကျနော်က လူဖြစ်ရင်လည်း ဖြစ်ခဲ့မယ်၊ တိရိစ္ဆာန်ဖြစ်ရင်လည်း ဖြစ်ခဲ့မယ်၊ နတ်ဖြစ်ရင်လည်း ဖြစ်ခဲ့မယ်ပေါ့၊”
အဖေကို မေးလိုက်သည်၊ အဖေက ‘ဟုတ်တယ် ၃၁ဘုံ အကုန်ဖြစ်နိုင်တယ်၊ မင်းကို ဆရာတော် တစ်ပါးရေးထားတဲ့ ၃၁ ဘုံ အကြောင်းစာအုပ် ပေးဖတ်မယ်၊’
ဒီလို အဖေနှင့် စကားပြော ဖြစ်ခဲ့ပြီး အရင်ဘဝတွေ ဆိုတာကို စိတ်ဝင်စားသွားခဲ့သည်၊ တိရိစ္ဆာန်ဖြစ်ရင်လည်းဖြစ်ခဲ့မယ် ဆိုတာကို ပြန်တွေးကြည့်တော့ တစ်ခါက အိမ်နားက သူငယ်ချင်းက လေးမွှာပူးမွေးတယ် သွားကြည့်မလား ဆိုတော့ ကိုယ်ဝန်ရှိနေတဲ့ မစ္စစ်အမ်း တစ်ယောက်မွေးသည်ထင်၍ လိုက်သွားခဲ့သည်၊ ဟိုရောက်တော့ ခွေးလေးကောင် မွေးထာသော ခွေးမကြီးကိုပြသည်၊ အဲဒီမှာ သူငယ်ချင်း စနောက်နေမှန်း သိရတော့သည်၊ ဒါပေမဲ့ ခွေးလေးတွေကို ကြည့်ရင်း ခွေးလေးတစ်ကောင်လို အနံ့ခံကာ သွားလာဖူးသလိုလို ဟိုတိုးဒီတိုး သွားလာဖူးသလိုလိုကို အာရုံထဲမြင်မိခဲ့ဖူးတာကို သတိရသွားသည်၊ ဒီလိုဆိုလျှင် ဘဝတစ်ခုမှာ ခွေးဖြစ်ခဲ့ဖူးသလား မေးခွန်းပြန်မေးကြည့်ခဲ့မိသည်။

ဒီအတွေ့အကြုံတွေကို သူငယ်ချင်းတွေ ပြန်ပြောပြတော့ မင်းတော့ semi-prophetic abilities ရှိနေပြီထင်တယ် ဆိုပြီး အဆင့်မြင့် ဘိရှော့ကြီးတွေနဲ့ သွားတွေ့ဘို့ အကြံပြုသည်၊ သူတို့ယုံကြည်သော Faith healing ကို သူတို့ အကြံပြုခြင်း ဖြစ်ပါသည်၊ အရင်ဘဝဆိုတာကို ယုံကြည်ကြသူများ မဟုတ်ကြပေ၊ အကန့်အသတ်တွေကြောင့်လည်း အများစုသည် နေ့စဉ် ကြုံတွေ့နေရသော အဖြစ်အပျက်များမှ တဆင့် ဘာသာတရားနဲ့ ကင်းကွာလာကြသည်၊ ထိုအတွက် သူ့လိုပဲ Free thinker တွေ များလာကြခြင်းဖြစ်မည်၊ တစ်ချို့ကလည်း မင်းစာအုပ်တွေဖတ် တီဗွီဇာတ်လမ်းတွေကြည့်ပြီး အတွေးလွန်နေပြီလို့ ဆိုကြသည်၊ Eckankar တွေနဲ့ ဆက်သွယ်ဘို့ ပြောကြသည်၊ Eckankar ဆိုသည်မှာ ကျမ်းစာအုပ်တွေထဲက ခွဲထွက်လာသော အကြောင်းကံ၊ ပြန်လည်မွေးဖွားခြင်း၊ အတိတ်ဘဝနှင့် ဝိညာဉ် တို့ကို လက်ခံသော အမေရိကန် ကိုးကွယ်ယုံကြည်မှု ဘာသာတရား တစ်ခုဖြစ်သည်၊ သူတို့သည် ဟူ HU ဆိုသော ဘုရားကို ကိုးကွယ်ကြသည်။

မိမိကိုယ်ကို မိမိစိတ်ဝင်စားရင်း၊ ဒီ ပါရာနော်မယ် (Paranormal) အဖြစ်များက သူအတွေးကို ကြီးစိုးထားသည်၊ ကောလိပ်ပြီးရင် Parapsychology အထူးပြု Human Sciences ဘာသာကို ယူမလို့ စိတ်ကူးထားသည်၊ အဖေကတော့ အာကာသ အင်ဂျင်နီယာ သူကိုဖြစ်စေချင်သည်၊ ဒါမှ မဟုတ် Human Sciences ကို Virginia Tech တက္ကသိုလ် မှာပဲ တက်စေချင်သည်၊ သားကိုအနီးနားမှာပဲ နေစေချင်သည်၊ သူကတော့ စိတ်ဝင်စားရာ Anthropology နှင့် Parapsychology ဘာသာရပ်တွေကို ကောင်းကောင်းသင်သော Pennsylvania မှာ သွားတက်မလို့ စိတ်ကူးထားသည်။

အထူးအဆန်းများကို လေ့လာစူးစမ်းလိုသူ မိုက်ကယ်ဘအေးတစ်ယောက် ပို၍ဆန်းကြယ်သော ပါရာနော်မယ်အထူးအဆန်းများနှင့် ကြုံလာရသောအခါ သူ့အဖိုး ဦးဘအေးကိုတွေ့ချင်စိတ်၊ သူ့အဖိုးအကြောင်းသိချင်စိတ်များ ပိုပြင်းပြလာခဲ့သည်။


ခဏ ရပ်ပါဦးမည်၊







 
 

32 comments:

Anonymous said...

ဆက်ဦးမှာလား စောင့်ဖတ်ရတာပေါ့.....

ဂျစ်တူး ( မုံရွာ ) said...

ကျန်းမာပါစေမင်္ဂလာပါ တည်ငြိမ်အေး---
ရေးမည့်ရေးတော့လည်း တကယ်ကိုရင်တမမနဲ့ စောင့်ခိုင်း
နေသေးတယ်----အေးပေါ့လေ-စာရေးဆရာဆိုတော့
လည်း ဒီလောက်တော့ရှိပေမပေါ့---
စောင့်ပေအုံးတော့ပေါ့ဗျာ---

Angelhlaing(May everybody be happy and healthy! said...

ဖတ်နေရင်းးးစောင့်ဆိုတော့လည်း စောင့်ရမှာပေါ့အကိုရာ...:):)

စပယ် said...

ဖြစ်ဖူးသလိုလိုတော့ ရှိတယ်
အထူးသဖြင့် ဒီလူကို ရင်းရင်းနှီးနှီး သိသလိုမျိုး
မသိတာတွေ အများကြီးပဲ

မြတ်မွန် said...

ဖတ်နေရင်း မီးပျက်သွားသလိုပါပဲလား..

ချော(အစိမ်းရောင်လွင်ပြင်) said...

စိတ်ဝင်တစားဖတ်နေတာ
ဆက်ပါဦးမယ်ဆိုတော့ မကျေမနပ်ဖြစ်သွားတယ်
ဖတ်ကောင်းနေတုန်းကိုး
ကိုတည်ငြိမ်ဝတ္ထုတွေက တစ်မူထူးခြားတော့ စိတ်ဝင်စားဖို့ကောင်းတယ်.
စာမရေး၊ မရေးနဲ့ ရေးလိုက်ပြန်တော့လဲ ဖတ်လို့ကောင်းတာချည်းပါလားနော်.

သိင်္ဂါကျော် said...

စိတ်ဝင်စားစရာ ကောင်းတယ်..
ကြည့်ရတာ ဇာတ်လမ်းက ရှည်ဦးမယ် ထင်တယ်..

An Asian Tour Operator said...

စောင့်ဖတ်ရကျိုးနပ်ပြီ ဆိုပြီး ဖတ်နေရင်းက...
ဆက်စောင့် ရဦးမှာပါလား။

မဒမ်ကိုး said...

အရမ်းကိုဘဲ စိတ်ဝင်စားဖို့ကောင်းနေပြီ
မြန်မြန်ဆက်ပါအကိုေ၇

စောင့်မျှော်လျှက်

မဒိုးကန်

SHWE ZIN U said...

ခဏဘဲ စောင့်မှာနော် ကိုဆိုစီ မြန်မြန်လေး ဆက်ပေးပါ

ကိုအောင်(ပျူနိုင်ငံ) said...

ခုရက်ပိုင်း အလုပ်နည်းနည်းရှုပ်နေလို့် စနေ တနင်္ဂနွေပိတ်ရက်ကျမှ အေးအေးဆေးဆေး ထပ်ဖတ်မယ် ကိုစိုးစီ ...း)

ကိုဇော် said...

စိတ်ဝင်တစားကို ဖတ်ဖို့ စောင့်နေတယ်ဗျာ။
မြန်မြန်လေးတော့ ဆက်. . .

mstint said...

စိတ်ဝင်စားဖို့ကောင်းတဲ့ ဇာတ်လမ်းတစ်ပုဒ်ပါ Sose ရေ။
အဆက်ကို မျှော်နေတယ်နော်။
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

မြသွေးနီ said...

ထုံးစံအတိုင်း အခန်းဆက်တွေဆို ဖန့်တငံ့ငံ့ဖြစ်အောင် ရေးတတ်ပါပေ့..။ ဒုတိယပိုင်း မျှော်နေပါမည်..။

ပျော်ရွှင်ဖွယ် ခရစ်စမတ်ဖြစ်ပါစေနော်....။

ညီရဲ said...

စိတ်ဝင်တစား ဖတ်လာရင်း ကောင်းခန်းရောက်မှ ဆက်တငံငံ ဖြစ်သွားတယ်...

ကိုအောင်(ပျူနိုင်ငံ) said...

အမေရိကားတစ်ခုတည်းတော့ မဟုတ်ဘူးဗျ၊ ဥရောပမှာလည်း ဖရီးသင်ကားတွေ အပြည့်ပဲ၊ အခုမှ အေးအေးဆေးဆေး စာလာဖတ်ဖြစ်တော့တယ် ကိုစိုးစီရေ ...း)

ဟန်ကြည် said...

တစ်ခါတစ်ခါကျတော့လည်း အဲဒီလို ဖရီးသင့်ကာဆန်ဆန် ဖြစ်သွားတတ်တာမို့ ကိုစိုစီရဲ့ပို့စ်ကို စိတ်ဝင်တစားနဲ့ ဖတ်ဖြစ်သွားပါတယ်...နောက်ဆက်တွဲကိုလည်း ဆက်ဖတ်ပါဦးမယ်...

khin oo may said...

ကြိုက်တယ်။

khin oo may said...

link တွေ တက်သွားတာဆောရီး ဘာဖြစ်လဲမသိဘူးအဲသလိုဘဲဖြစ်တတ်တယ် အိမ်ရှင်ကိုသိတ်အားနာတာဘဲ အမှိူက်လာဖွသလိုဖြစ်တယ်။

မြစ်ကျိုးအင်း said...

အပျိုးလေးနဲ့တင် ပထမတပိုင်း ပြီးရှာပါရောလား။
စိတ်ဝင်စားဖွယ်ရာ စိတ်နယ်လွန်ဖြစ်ရပ်တွေကို ဖတ်လေ့ရှိတာမို့ ဒီဇာတ်လမ်းမျိုး သဘောကျတယ်။ အပိုင်း ၂ နဲ့ ၃ ဖတ်ဖို့ကျန်သေးလို့ အရှိန်မပျက် ဆက်ဖတ်လိုက်အုံးမယ်။

Anonymous said...

Wonderful аrticle! Τhat is the kіnԁ of info thаt are
meаnt to be shаred аround the internet.
Shame on Gοogle for now nοt posіtіoning this put up uppег!
Cоme on οveг аnd diѕcusѕ with my webѕite .

Thanκs =)

Stοp by my blog post; Bucket trucks
my web site > bucket trucks

Anonymous said...

Τhiѕ рοst іs gеnuinely a good one it assists nеw internеt peoρle, who arе wiѕhing for
blogging.

Herе is my web-site; dallas auto insurance
Also visit my web page ... auto insurance dallas tx

Anonymous said...

Wгite more, thats all I have to sаy. Literаlly, it ѕeems аs though you relieԁ οn
the video to mаke уour pоint. You clearly knоw what yоure talking abοut,
why waste youг intelligence on just ρоsting vidеoѕ to
уour ωеblоg when уou could be giving us something
іnformаtivе tο rеad?



My web site: bucket trucks for sale

Anonymous said...

Нi, I ԁo think this is a great webѕitе.

I stumblеdupοn it ;) ӏ am going tо сomе
back yet agаin since і hаve booκ markеԁ it.
Mоnеy anԁ freedοm is the beѕt way to change, mаy you be гich and сontinuе to guіde other
pеoplе.

Hеrе iѕ my wеb-site; tens unit hire

Anonymous said...

Hmm it seems lіke youг blog ate my first comment (it
was eхtremеly long) sо I guess I'll just sum it up what I had written and say, I'm thοrοughly
enjoying уour blog. I aѕ well am an asрiring blog bloggeг but I'm still new to the whole thing. Do you have any suggestions for inexperienced blog writers? I'd genuinely аpρreciаtе
it.

my ѕite Taxi service irving tx
My web page: taxi irving

Anonymous said...

My гelаtives all the time sау that I am killing my tіme here at net, but I κnow
I am gеtting eхperience eveгyday by rеaԁing
ѕuсh fastidious posts.

mу web-sіtе - taxi blog

Anonymous said...

Incrеdible pointѕ. Gгeаt arguments.
Keеp up the gooԁ ωork.

Also visit mу wеblog taxi irving

Anonymous said...

Wow, that's what I was exploring for, what a stuff! existing here at this weblog, thanks admin of this web site.

My web page: taxi service irving tx

Anonymous said...

If you would like to get a good deal frоm this ρiecе of writing then you haѵe tο
apply such techniques to yοur won weblog.


Hеre is my рage ... dallas search engine Optimization

Anonymous said...

I was able to find good info from yοuг blog аrticles.


Ѕtoр by my blog ... House for Rent plano

Anonymous said...

Mу brotheг recommеnԁed I might liκe this wеb site.
He used to be totallу гight. This post aсtuallу made mу dаy.
Yοu can nοt consіder juѕt hoω a lot time І hаd sρеnt fοг this info!

Thаnκ you!

Feel fгee tο surf to mу ѕite - richardson web development

Anonymous said...

ӏt's actually a cool and useful piece of information. I am happy that you just shared this helpful info with us. Please stay us informed like this. Thanks for sharing.

Here is my blog post; dallas web design