Friday, December 17, 2010

လူသားသုံးဦး


(၁)
ရောဘတ်တစ်ယောက် သူရှေ့က လူအုပ်ကြီးကို ကြည့်လိုက်သည်၊ ကျောင်းသားတွေဟုပြောသည်၊ ဒါပေမဲ့တစ်ချုို့သူများသည် ကျောင်းသားများ မဟုတ်ကြောင်း သိသာထင်ရှားလှသည်၊ ရောဘတ်တို့၏တာဝန်က ဒီလူအုပ်စုကြီး ဒီနေရာက ဖြတ်မကျော်သွားအောင် တန့်ထားရန် ဖြစ်သည်၊ ရောဘတ် ဒီလိုတာဝန်ကို ပထမဦးဆုံးအကြိမ် ထမ်းဆောင်ခြင်းမဟုတ်ပါ၊ ဒီထက်များသောလူအုပ်ကြီးကိုပင် Kittling တွန်းပို့နည်းဗျုဟာကိုသုံးပြီး ထိန်းချုပ်ခဲ့ဘူးသေးသည်။

ဒီနေ့တော့ ရောဘတ်နည်းနည်းအီသည်၊ ဒီလိုရပ်နေရတာ လေးနာရီပြည့်သွားပြီဖြစ်သည်၊ ကံဆိုးစွာပင် ဒီနေ့ သူ ရှေ့ဆုံးကထွက်ပိတ်ရသည်၊ ရှေ့ဆုံးတန်းနှင့် ဒုတိယတန်းသူတွေကို နည်းဗျုဟာအရ မလဲပေးချေ၊ ရပ်နေရင်းနဲ့ပင် ဒိုးနပ်နှစ်ခု အချိုရည်နဲ့ စားသောက်ခဲ့ပြီးပြီဖြစ်သည်၊ သေးခဏခဏပေါက်တတ်သော သူ့သူငယ်ချင်း ဒေါ်နယ်ကတော့ ရပ်နေရင်းနဲ့ပင် ပေါက်ချလိုက်မှာသေချာသည်၊ အရင်တစ်ခါ G20 တုန်းက တွန်းပို့ပြီး လူစုခွဲရတာမျိုး ရောဘတ်ပိုကြိုက်သည်၊ လူသက်သာသည်၊ အဲဒီတုန်းကမှတ်မိသေးသည် ပြင်သစ်လို့ထင်တဲ့ နှစ်ကောင်နှင့် အေရှန်နှစ်ယောက်လောက်ကို ကောင်းကောင်းသမ လိုက်သည်၊ မိမိတို့ဘက်က ဘယ်တော့မှမစ violence ဖြစ်လာအောင်စောင့် ဖြစ်လာလျှင် လူစုခွဲရန်အော်ပြီးမှ ဖြိုခွင်းလေ့ရှိသည်၊ ဒီတစ်ခါလည်း ရိုက်ခွင့်ပေးရင် ဘယ်သူကိုရိုက်ရမလဲ ပစ်မှတ်ရှာထားသည်၊ ရေကိုတစ်ပုလင်းလုံးကုန်အောင်သောက် ပြီးရင်ပုလင်းခွံနှင့် သူတို့ဆီကို လှမ်းလှမ်းပစ်နေတဲ့ ကျောင်းသူ၊ ထိပ်ဆုံးကလက်သီးလက်မောင်းတန်းပြီးအော်နေတဲ့ အကောင်၊ သူတို့တွေကို ရောဘတ် လက်စွမ်းခြေစွမ်းပြရမည်၊ ဒေါ်နယ်ကတော့ ခုနက သူ့ကို တံတွေးဖြင့်လာထွေးသွားသော ကျောင်းသူကိုမဲတော့မည်၊ ဒီတစ်ခါ violence ဖြစ်တဲ့ထဲမှာ ကျောင်းသူတွေတော်တော်များသည်။

တကယ်တော့ ရောဘတ်သည် Metropolitan Police's elite Territorial Support Group မှဖြစ်သည်၊ သူအကြောင်းကို ပြန်စဉ်းစားကြည့်လိုက်လျှင် ဘာဖြစ်လို့ပုလိပ်ဖြစ်လာသလဲ သေသေချာချာမသိပေ၊ နောက်ပြီး TSG ပုလိပ် ထဲဘယ်လိုရောက်သွားသလဲ ဆိုတာလည်း သူ သေသေချာချာမသိပေ၊ ခုသူအသက် ၂၅ နှစ်ရှိသွားပြီဖြစ်သည်၊ လက်မောင်းတွင် တစ်ရစ်ရထားလေပြီ၊ G20 နှိမ်နင်းရေးဂုဏ်ပြုလက်မှတ်လည်း ရရှိထားသည်။

ရောဘတ်ငယ်ငယ်က ကြီးလာလျှင် သူ့ဦးလေးလို ဘောက်ဆင်ထိုးမည်၊ ပြီးရင်ညကလပ်ဘ်တွေ ဘားတွေမှာ ဘောက်ဆာလုပ်မည် ဟုတွေးခဲ့ဘူးသည်၊ ပုလိပ်စုံထောက်လည်းဖြစ်ချင်သည်၊ ရောဘတ် ကိုယ်လုံးကိုယ်ပေါက်က မန်ချက်စတာက ဘောလုံးသမား ရော်နီထက်သန်သည်၊ ဒါကြောင့်မို့သူကို ဒီနေ့ရှေ့တန်းထုတ်ထားခြင်းဖြစ်မည်၊ မူလတန်းလောက်ထဲက ဘောလုံးကိုလိုက်စားခဲ့ပါက ဘယ်သူပြောနိုင်မလဲ သူဒီနေ့ ရော်နီလို ကြေးစားဘောလုံးသမား သန်းကြွယ်တစ်ယောက်ဖြစ်နေမည်လော၊ အထက်တန်းရောက်တော့လည်း စာစိတ်မဝင်စား ရန်ဖြစ် လျှောက်သွားနဲ့ နောက်ဆုံး အဖေနဲ့ရန်ဖြစ်ကာ ရဲထဲဝင်ဖြစ်သည်၊ ရဲအဖွဲ့ကလည်း သူ့ပုံစံကိုကြည့်ပြီး TSG ထဲပို့လိုက်သည်ဖြစ်မည်၊ ခုဆို ပုလိပ်ထဲမှာငါးနှစ်ပြည့်တော့မည်။

သင်တန်းတုန်းက အမေရိကန်က ပုလိပ်တွေအကြောင်းကြားရသိရတာနဲ့၊ ရုပ်ရှင်ထဲကြည့်ပြီး NYPD, LAPD တွေကို သဘောကြသည်၊ အမေရိကန်မှ ရဲတွေကမိုက်ကြေးခွဲသည်၊ လူငယ်တွေ အင်းမန့်ဂရမ်တွေဆီက အလကား sex ရယူသည်၊ အကွက်ဆင်ဖမ်း ဘလက်မေးလုပ်သည်၊ ဂိုဏ်း တွေနဲ့အပေးအယူလုပ်သည်၊ စသဖြင့် ဝင်ငွေဖြောင့် အနေအထိုင်ဖြောင့်လို့ အားကျမိသည်၊ ဒီမှာတော့ နိုင်ငံရေးသမားတွေရဲ့ လက်ကိုင်တုတ်ဖြစ်ရသည်၊ အကြမ်းဖက်သမားတွေကျေးဇူးကြောင့် ရောဘတ်တို့ ပုလိပ်တွေ နည်းနည်း အရေးပေးမှုရှိလာသည်။

ရောဘတ်လည်း မိန်းမယူချင်သည်၊ လောလောဆယ် ရှာတွေ့သော မိန်းခလေးများကို အကြိုက်မတွေ့သေး၊ TSG ပုလိပ်ဖြစ်နေ၍ တစ်ချို့မိန်းခလေးတွေ သူကိုပြန်မကြိုက်သည်လားတော့မသိ၊ နောက်နှစ်ကျ သူ city ပုလိပ်ကိုတောင်းပြောင်းကြည့်မည် မရက အလုပ်ထွက်မည်၊ ဘောက်ဆာ မဟုတ်ရင် သက်တော်စောင့်လုပ်မည်၊ city ပုလိပ်ဖြစ်သွားလျှင် အေးဆေးပင် အချိန်တန်ရာထူးတက်မည်၊ အကြီးအကဲကိုဖါးတတ်ဘို့ပဲလိုသည်၊ အငြိမ်းစားယူရင် ပင်စင်လုံလောက်စွာရဦးမည်၊ ဘာပဲဖြစ်ဖြစ် မိန်းမလှလေးတစ်ယောက်နဲ့ အိမ်ထောင်ထူထောင်ဖြစ်မည်။ ရောဘတ်လည်း လူထဲကလူသားတစ်ယောက်ဖြစ်သည် အချစ်ကိုရှာချင်မှာပေါ့။

(၂)

ရောဘတ် နေသော လန်ဒန်မြို့နှင့် မိုင်၁၉၀၀ ကျော်အကွာ ပုလိပ်အကယ်ဒမီ လေ့ကျင့်ရေးနားနေခန်းတွင် ဗီစလီ နှင့် စိတ်ပညာရှင် ကေ တို့ စကားစမြည်ပြောနေကြသည်။
ကေ က ဗီစလီ ကို ‘မင်းနေလို့ထိုင်လို့ ကောင်းနေပြီလို့ ငါထင်တယ်၊’
ဗီစလီ ကပြန်၍ ‘မဆိုးပါဘူး၊ ငါအပြင်တောင်ထွက်ဖြစ်သေးတယ်၊’

ကေ က ‘ဒါဆိုသည်နေ့ မင်းတို့ အလုပ်ခံစားချက်တွေကိုပြောပြစမ်းပါ၊ မင်းပြောချင်တာတွေ အကုန်လုံးပြောပစ်လိုက်စမ်းပါ’။
ဗီစလီ; ‘မင်းသိတဲ့အတိုင်းပဲ ငါဟာ (MAT EKAM) Special Police Force အဖွဲ့ဝင်တစ်ယောက်၊ ပုလိပ်ဆိုတာလည်း အစိုးရဝန်ထမ်းတစ်ယောက်ပါ၊ သာမန်ဆိုရင် ငါတို့တွေက သံရုံးတွေ၊ သံတမန်အိမ်တွေ၊ အရေးကြီးနေရာတွေမှာ အစောင့်လုပ်ရတယ်၊ ဆန္ဒပြပွဲတွေဖြစ်လာရင်တော့ ဖြိုခွင်းဘို့ အဆင်သင့်နေရတယ်၊ အမိန့်ပေးတဲ့အတိုင်းလုပ်ရတယ်၊ ငါ ဒီအလုပ်ကို လုပ်ဖြစ်တော့ တာဝန်ကြေအောင်လုပ်လာတယ်၊ နောက်ပိုင်းငါတို့ကို အကြမ်းဖက်သမား တိုက်ခိုက်ရေးအတွက် အထူးလေ့ကျင့်ပေးတယ်၊ ဆရာတွေကတော့ အမေရိကန်တွေပါ၊ သူတို့ကိုငါ အားကျမိတယ်၊ လစာများတယ် တော်တော်အခွင့်အရေးရတယ် အစိုးရကသူတို့ဘက်မှာ အမြဲရှိတယ်လို့ငါထင်မိတယ်၊ ငါတို့နဲ့တော့တခြားစီပဲ၊ ငါတို့အစိုးရကတော့ အမိန့်ပေးခိုင်းတုန်းကခိုင်းပြီး တစ်ခုခုဖြစ်လာရင် ငါတို့က scapegoat ဖြစ်လာရတာပဲ’။

ကေ; ‘မင်းရဲ့ စိတ်အကျဉ်းကျပ်ဆုံးအချိန်ကိုငါကိုပြောပြပါလား’။
ဗီစလီ; ‘မင်းသိတဲ့အတိုင်း ငါတို့ ဂရိမှာ ဖြစ်သွားရတာက ကမ္ဘာကျော်ပဲမဟုတ်လား၊ သတင်းသမားတွေအကြိုက်ပေါ့၊ အတိုက်အခံ နိုင်ငံရေးသမားတွေကြောင့် သတင်းသမားတွေကြောင့် ငါတို့အဖြစ်ပိုဆိုးသွားရတယ်၊ ပုံကြီးချဲ့ကြတာ၊ တစ်ခါတစ်လေ သူတို့သတင်းတွေက ရယ်စရာတွေပါ၊ ဒါပေမဲ့ ရူးသွပ်နေတဲ့လူတွေကတော့ စွတ်ယုံတော့တာပဲ၊ အစိုးရကလည်း သူတို့တည်မြဲရေးအတွက် ငါတို့ကိုအရေးယူပေးမယ်ဆိုလားပဲ’။

ကေ; ‘ဆက်ပြောပါဦး မင်းဟာ သူရဲကောင်းတစ်ယောက်လို့ လုပ်ဖေါ်ကိုင်ဘက်တွေကပြောကြတယ်’။
ဗီစလီ; ‘သူရဲကောင်းမဟုတ်ပါဘူး ငါတာဝန်ကို ငါထမ်းဆောင်တာ၊ ငါတို့ကာကွယ်လို့ ဗဟိုဘဏ်ကြီးရယ်၊ ဝန်ကြီးများရုံးရယ်၊ အရေးပေါ်သိုလှောင်ရေးစခန်းတွေရယ် ဘာမှမဖြစ်ခဲ့ဘူး၊ ဆန္ဒပြတဲ့သူတွေထဲမှာ လုဘို့လူတွေအများကြီးပါတယ်ဆိုတာ မင်းလည်းသိတယ်မဟုတ်လား၊ ဂရိဟာ ဥရောပမှာ စီးပွားရေးအကြပ်တည်းဆုံးနိုင်ငံ ဆိုတာမင်းလက်ခံတယ်မဟုတ်လား’။

ဗီစလီသည် လေပူပြင်းပြင်းတစ်ချက်ကို အပြင်သို့မှုတ်ထုတ်လိုက်သည်။

ဗီစလီ; ‘အဲဒီနေ့က ငါမြို့ငယ်လေးမှာတာဝန်ကျနေတယ်၊ အဲဒီမှာရှိတဲ့ တက္ကသိုလ်ကျောင်းကို ငါတို့ကောင်းကောင်းထိန်းနိုင်ခဲ့တယ်၊ ကျောင်းသားတွေကလည်း အေးချမ်းစွာ ဆန္ဒပြကြတာ၊ ည ၂နာရီမှာ ငါတို့အဖွဲ့ကို အေသင်ကို အမြန်လာဘို့ခေါ်လိုက်တယ်၊ မနက် ၅နာရီလောက်မှာ အေသင်ကိုရောက်တယ်၊ အဲဒီသုံးရက်လုံးမှာ ငါတို့ လေးနာရီပဲ အိပ်ရသေးတယ်၊ အေသင်ကိုရောက်တော့ မီးလောင်နေတဲ့နေရာတွေ အများကြီးပဲ၊ ရောက်ရောက်ချင်း ဗဟိုဘဏ်ရှေ့မှာ နေရာယူရတယ်၊ အရသာ ဘယ်လိုမှန်းမသိလိုက်တဲ့ အင်္ဂလိပ်တီးနှင့် ပေါင်မုန့်တွေစားလိုက်သောက်လိုက်ရတယ်၊ ဗျုဟာအတွက်ငါတို့ဆွေးနွေးဖြစ်တယ်၊ ၇ နာရီလောက်မှာ အော်သံတွေနဲ့အတူ လူအုပ်ကြီး ငါတို့ဆီရောက်လာတယ်၊ ငါတို့ကိုအဝေးကနေပစ်တယ်၊ ခဲတွေရော သံချောင်းတွေရော အစုံပဲ၊ တစ်နာရီလောက်နေတော့ ဓါတ်ဆီပုလင်းတွေနဲ့ပစ်တယ်၊ ငါတို့ထဲက အနည်းဆုံး ၅ယောက်လောက် မီးလောင်ခံရတယ်၊ အခွင့်ကောင်းယူပြီး သံတုတ်တွေ သစ်သားတုတ်တွေနဲ့ ဝင်ရိုက်တယ်၊ ငါတို့ကို အစိုးရကလက်နက်သုံးခွင့် မပေးထားတာ သူတို့သိတယ်၊ ငါတို့လည်းရှိတဲ့ မျက်ရည်ယိုဗုံးတွေနဲ့ ပြန်ပစ်တာ၊ ငါတို့ပုလိပ်ကဆင်းရဲတယ် မျက်ရည်ယိုဗုံးတွေတစ်ဖွဲ့မှာ အလုံး၃၀ကျော်ပဲရှိတယ်၊ ရက်ဆက်သုံးထားပြီးဆိုတော့ ကုန်သလောက်ရှိနေပြီ၊ ငါတို့လဲလူသားတွေပဲ ကိုယ့်ကိုထိလာရင်တော့ ခုခံကာကွယ်ရမှာပဲ၊ ငါတို့ဒဏ်ရာရသွားတာတွေ၊ ဝိုင်းရိုက်ခံနေရတာတွေ၊ မီးလောင်ခံရတာတွေ ဘယ်သတင်းမှာ ရေးကြီးခွင်ကျယ်မရေးဘူး၊ ကုန်တိုက်တွေဖေါက်ပြီး လုနေကြတာတွေလည်းမပါဘူး၊ ပုလိပ်တွေကပဲ အစာပြတ်ပြီးလုသယောင်ယောင်လုပ်သေးတယ်၊ ခေါင်းပေါက်သွားတဲ့ ကလေးတစ်ယောက်နဲ့ မျက်ရည်ယိုဗုံးမွန်နေတဲ့ ကျောင်းသူတစ်ယောက်ပုံတော့ ခေါင်းကြီးသတင်းမှာပဲ၊ ငါတို့ကြံ့ကြံ့ခိုင်ခဲ့ပါတယ် ဒီအဆောက်အဦးတွေ မပျက်စီးဘူး အလုမခံရဘူး’။

ကေ; ‘စကားမစပ် မင်း အဲလက်ဆီကို ပစ်လိုက်တဲ့ အရာရှိကိုသိသလား’။
ဗီစလီ; ‘ငါသူ့ကိုသိပါတယ် သူ့ကို ရမ်ဘိုလို့ခေါ်တယ်၊ သူအပြစ်ရှိမရှိငါတို့မသိသေးဘူး၊ ဘယ်အဖွဲ့အစည်း ဘယ်နေရာမှာဆို အမှားလုပ်တဲ့သူတော့ရှိစမြဲပဲ၊ သူကို အရေးမယူတာနဲ့၊ ကုန်တိုက်တွေဝင်လုတာတို့ အဆောက်အဦးတွေ ဖျက်ဆီးတာတို့ အများပိုင်နေရာတွေ ဖေါက်ခွဲမီးရှို့တာတွေကတော့ မဆိုင်ဘူးထင်တယ်၊ တစ်ခါတစ်လေ ငါတွေးမိတယ် သူတို့ ဂရိတွေမှ ဟုတ်ရဲ့လားလို့’။

ကေ; ‘စိတ်ဝင်စားလာပြီကွာ၊ ပုလိပ်အရာရှိဖြစ်လာတဲ့အကြောင်းလေး ပြောပြပါဦး ဗီစလီရေ’။
ဗီစလီ; ‘ငါမှာရွေးစရာလမ်းသိပ်မရှိခဲ့ဘူး၊ ငါက preveza ကဖြစ်တယ်၊ ငါတို့မိသားစုမှာ သားသုံးယောက်ရှိတယ်၊ ငါကအလတ်၊ ငါ့မိဘတွေက တက္ကသိုလ်ကျောင်းကြီးကို တစ်ယောက်ဘဲပို့နိုင်တယ်၊ အမှတ်ကောင်းတဲ့ ငါ့အစ်ကိုကဒီအခွင့်အရေးရသွားတယ်၊ သူအခုဘဏ်မန်နေဂျာဖြစ်နေပြီ၊ ငါက ကောလိပ်ပဲဆက်တက်ရတယ် တခြားတိုင်းပြည်တွေလို မဟုတ်ဘူး ကိုယ်သင်ချင်တဲ့ ဘာသာသင်ခွင့်မရဘူး၊ ကျောင်းပြီးတော့ငါ့အတွက်အလုပ်မရှိဘူး၊ အငယ်ကောင်ကလည်း တက္ကသိုလ်ကျောင်းကြီး တက်ချင်တယ်၊ ငါအေသင်ကိုရောက်လာတဲ့ အချိန်နဲ့တိုက်ဆိုင်စွာပဲ ပုလိပ်အရာရှိသင်တန်းခေါ်တာနဲ့ ကြုံနေတော့လျှောက်လိုက်မိတယ်၊ ဒီလိုနဲ့ငါ ပုလိပ်အကယ်ဒမီတက်ဖြစ်တယ်၊ ပုလိပ်အကယ်ဒမီကို အိမ်မက်မက်ကြည့်ဘူးတယ်၊ ဒီရောက်တော့ထင်ထားတာနဲ့ တခြားစီပဲ၊ စုတ်ပြတ်နေပုံများ။

ကေ; နေပါဦး ဗီစလီ မင်းကဘာလို့ စပါယ်ရှယ်ဖို့ Special Police Force ကိုရွေးရတာလဲ၊
ဗီစလီ; ငါရုံးထဲမှာ မထိုင်ချင်ဘူး၊ office politic ကို ငါကြားဖူးထားတယ် မကြိုက်ဘူး၊ တခြားတိုင်းပြည်တွေမှာ ပုလိပ်တွေဟာ ထိုက်သင့်တဲ့အခွင့်အရေးနဲ့ လုပ်ပိုင်ခွင့် အာဏာရှိကြတယ်၊ ငါတို့ ဂရိမှာတော့ မရှိဘူး၊ ပုလိပ်ကိုနှိမ်ထားတယ်၊ ဒါမှ နိုင်ငံရေးသမားတွေကလိုရာ သုံးလို့ရမှာ၊ ငါတို့ရဲ့လစာကို မင်းသိတယ်မဟုတ်လား၊ လူမွေးမပြောင်ပါဘူး၊ ရမ်ဘိုကပေါက်ကွဲသွားတာလဲဖြစ်နိုင်တယ်၊ အမေရိကန်တွေ လာလေ့ကျင့်ပေးတုန်းက သူတို့ မီယာမီ Miami (FTAA) အရေးအခင်းတုန်းက ပုလိပ်တွေက ကောင်းကောင်းဆော်တာ ကျောင်းသားလား ဘာလားခွဲနေစရာမလိုဘူး၊ ဘယ်ပုလိပ်ကိုမှာ ခုံရုံးတင် တရားစွဲလို့မရဘူး စွဲလည်းမထူးဘူး၊ အစိုးရက ငွေအမြောက်အများသုံးခဲ့တယ်၊ ဒီလိုကာကွယ်ပေးတာ၊ လူ့အခွင့်အရေးသမားတွေထိုင်ငိုတဲ့ပွဲပေါ့၊ ဘယ်တတ်နိုင်မလဲ အမေရိကန်လေ၊ အမေရိကန်ပုလိပ်တွေ အသုံးပြုတဲ့ တန်ဆာပါလာကိုကြည့်ဦးလေ နောက်ဆုံးပေါ်တွေပဲ’။

ကေ; ‘ဗီစလီရေ လက်ဖက်ရည်သောက်လိုက်ပါဦး၊ မင်းတပ်ဖွဲ့ထဲမှာ ဆက်နေမှာလား’။
ဗီစလီ; ‘ဆက်နေရမှာပေါ့၊ No Choice နောက်ထပ်ရာထူးလေးတက်ဘို့ မျှော်မှန်းထားတယ်၊ အဲဒီအချိန်ကြရင် ငါလဲ ငါ့ရည်စားနဲ့ လက်ထပ်မယ်လေ၊ သူလည်း လေဆိပ် ဝန်ထမ်းတစ်ယောက်ပဲ’။

ကေ; ‘မင်းလူတွေကိုမုန်းတီးနေသေးသလား’၊
ဗီစလီ; ‘လူတွေ၊ ငါလည်းလူပဲလေ၊ ငါ့မိဘတွေက လက်လုပ်လက်စား၊ ငါအစ်ကိုက ကော်လာဖြူ လခစား၊ ငါ့ညီကလောလောဆယ် တက္ကသိုလ်ကျောင်းသား၊ ငါဘာလို့ မုန်းရမှာလည်း ကိုယ်တာဝန်ကိုယ်လုပ်ကြရမှာ မဟုတ်လား’။
(၃)

ဗီစလီနေသော နေရာနှင့် မိုင်ပေါင်းထောင်ချီဝေးသောနေရာ ရန်ကုန်မြို့တွင် ဗိုလ်နေလင်းအောင် တစ်ယောက် လမ်းမပေါ်တွင် တပ်ရင်းမှူး၏ အမိန့်ကို စောင့်နေသည်၊ ခဏနေကြာ တပ်ခွဲမှုးက တပ်စုနှစ်စုကိုခေါ်သွား၊ ရဲတွေနောက် ကိုက်၂၀ကွာမှာ နေရာဖြန့်ယူဆိုပြီး အမိန့်ပေးလိုက်သည်၊ တပ်စုနှစ်စုဆိုပေမဲ့ သူအပါအဝင် ၂၁ ယောက်ပဲရှိသည်၊ သူတို့တပ်ကိုပြန်လည်ဖွဲ့စည်းချိန်တွင် ကျိုက္ကဆံသို့ ရောက်လာခြင်းဖြစ်သည်၊ နေလင်းအောင် အခြေအနေကို လေ့လာကြည့်လိုက်သည်၊ ရဲတွေရဲ့ရှေ့တွင် အော်သံတွေနဲ့အတူ လူအုပ်ကြီးရှိသည်၊ ဘုန်းကြီးတွေလဲပါသည်၊ လူပေါင်းစုံ၊ ရှေ့ကပန်ချာပီကုလား ဘာအော်နေလည်းမသိ၊ ကုလားဒိန်ချာတိတ်တစ်ကောင်က ပုဆိုးလှန်ပြသည်၊ အေးမောင်က ပစ်ထည့်ရမလားဗိုလ်ကြီး၊ ငြိမ်ငြိမ်နေ အမိန့်ပေးတဲ့အတိုင်းလုပ်ဆိုပြီး တပ်ရင်းမှူးလေသံကို အတုခိုး၍ပြောလိုက်သည်။

နေလင်းအောင် အခြေအနေကိုဆက်ပြီး အကဲခတ်လိုက်သည်၊ တိုက်တွေပေါ်ကကြည့်နေတဲ့သူတွေကလည်း မနည်း၊ လမ်းဘေးကချောင်းနေသူတွေကလည်း အများသား၊ ဘုန်းကြီးကျောင်းနောက်ကွယ်မှာ ဘုန်းကြီးတွေကရှိသေးသည်၊
မင်းတို့ရဲ့ စောင့်….. စောင့်…ဖြစ်သွားမယ်၊ ကင်မရာကိုင်တဲ့သူတွေကို သတိထားဟု တပ်ရင်းမှူးက ဆဲဆို၍မှာလိုက်သေးသည်၊
ဟေ့ကောင်တွေ ကင်မရာကိုင်တဲ့သူတွေကို သတိထား တပ်ရင်းမှူးလေသံကို အတုခိုး၍ပြောလိုက်သည်၊ ဟုတ်ကဲ့ဗိုလ်ကြီးဆိုသည့်အသံ ကြားလိုက်ရသည်၊ တပ်သားထဲတွင် အေးမောင်နှင့် နေတိုးက သိပ်မပြည့်ချင်၊ ငှက်ထိထားတော့ပိုဆိုးသည်၊ ခုထွက်လာသည်ကိုကြည့်ဦး ဖိနပ်မစီးခဲ့၊ တပ်ခွဲမှုးနှင့် အိုင်အို ရောက်လာပြီး ရဲတွေကလူစုခွဲမယ်၊ ငါတို့ကခြောက်လှန့်ပစ်ပြီးတော့ လိုအပ်မှ ဆက်ပစ်ရန်၊ တက်ရဆုတ်ရမည့် အကွာအဝေးကိုအမိန့်ပေးသွားသည်၊ ဆရာတစ်ယောက်နဲ့ တပ်သားခြောက်ယောက်ကို ရဲတွေနားကပ်နေခိုင်းလိုက်သည်၊ ထိုအထဲတွင် အေးမောင်ပါသွားသည်၊ စိတ်ထဲကပြသာနာပဲလို့ တွေးလိုက်မိသည်။

တကယ်တော့ နေလင်းအောင် ရန်ကုန်ကို သုံးလေးခေါက်လောက်သာရောက်ဖူးသည်၊ စစ်သားဘဝနှင့်နှစ်ခါဖြစ်သည် ရန်ကုန်အကြောင်းသိပ်မသိ၊ ရေကျော်နှင့် လှိုင်ဘက်တွင် ဆွေမျိုးများရှိသည်၊ နေလင်းအောင် သထုံကဖြစ်သည်၊ သူ့တပ်စုတွင် နေတိုးကရန်ကုန်ကဖြစ်သည်၊ သိပ်မပြည့်တော့ခက်သည် မြောက်ဒဂုံကဟုဆိုသည်၊ အေးမောင်က ရခိုင်ကဖြစ်သည် ဘယ်လိုတပ်ထဲရောက်လာသည်မသိ၊ ခုတပ်ခွဲမှုးနဲ့ နေလင်းအောင်ရင်းနှီးသည် သောက်ဖေါ်သောက်ဘက်ဖြစ်လာသည်၊ တပ်ခွဲမှုးသည် ဗိုလ်ကြီးစိုးနိုင်ဖြစ်ပြီး မြင်းခြံကဖြစ်သည်၊ ပြီးခဲ့သည်သုံးလလောက်က သူတို့တပ် နယ်စပ်တွင်ရှိစဉ် ငြိမ်းချမ်းရေးတွေကို ဆဲဆိုကာ သေနပ်နှင့်သွားပစ်သဖြင့် အမှုတွဲနှင့်ဖြစ်သည်၊ ငြိမ်းချမ်းရေးတွေက တိုင်းမှုးတက်တိုင်သည်၊ ဒီအတွက် တတပ်လုံးပြန်ဆင်းရသည်၊ တပ်ရင်းမှူးကတော့ ခွင်ပျက်၍ တောက်ခပ်၍မဆုံး၊ ခုလည်းမူးမူးနဲ့ပင် ကွမ်းစားကာ အခြေအနေကို တမြုံ့မြုံ့ကြည့်နေသည်။

တပ်ရင်းမှူးက ဗိုလ်ကြီးစိုးနိုင်နှင့် ရောရောနေ၍ သူ့ကိုမကြည်၊ ဒါတောင်ခိုင်းတာ အကုန်လုပ်ပေးသည်၊ တကယ်တော့ ဗိုလ်ကြီးစိုးနိုင်ရော သူရော ကျောထောက်နောက်ခံမရှိ၍ဖြစ်သည်၊ ဟိုအမျိုးဒီအမျိုး၊ ဟိုဖါးဒီဖါးဆိုရင် အနေချောင်သည်၊ ဒီနေ့တာဝန်ပဲကြည့်ဦး ဗိုလ်ကြီးစိုးနိုင်နှင့်သူကိုတွဲပေးလိုက်သည်၊ နေလင်းအောင်ကစစ်ပဲတိုက်ချင်သည်၊ လူစုခွဲတာ မလုပ်တတ် အမိန့်နာခံဘို့ပဲဖြစ်သည်၊ ဗိုလ်ကြီးစိုးနိုင်ကတော့ မန္တလေးမြို့ပြင်တွင် လူစုခွဲသင်တန်းတက်ဘူးသည်ဆိုသည်။

နေလင်းအောင် သူစစ်ဗိုလ်ဖြစ်လာရပုံကို ပြန်တွေးတောမိသည်၊ ငယ်ငယ်က ရေကျော် ကဦးလေးတစ်ယောက်လို သင်္ဘောသားဖြစ်ချင်သည်၊ ကမ္ဘာနိုင်ငံစုံရောက်ဖူးချင်သည်၊  အိမ်ကစီးပွားရေးသိပ်မကောင်း၊ စစ်ဗိုလ်တွေထောနေတယ် ဆိုသဖြင့် ဆယ်တန်းအောင်သောအခါ လျှောက်လိုက်သည်၊ အရွေးခံရသည်၊ မေမြို့စစ်တက္ကသိုလ်တက် ဒုဗိုလ်ဖြစ်လာခဲ့သည်၊ ဖြစ်စက အမေဆီကတောင် ပိုက်ဆံလှမ်းတောင်းရသည်၊ အမေရေ သားဗိုလ်ဖြစ်ရင် အမေတို့အိုကေပြီဆိုတဲ့စကား သူမပြောနိုင်တော့၊ ဗိုလ်ဖြစ်လာသောအခါ တပ်နှစ်တပ်ပြောင်းပြီးပြီဖြစ်သည်၊ ထင်ထားတာတွေနဲ့ တခြားစီပင်၊ မနက်ကရဲသားလေးတွေ ထမင်းစားနေတာ ကြည့်တော့ ငပိထောင်းနဲ့ ထမင်းနီပြင်ခဲ၊ ဘာအရွက်ရည်မှန်းမသိတဲ့ အရည်တခွက်၊ သူရထားတဲ့ အာလူးဟင်းသွားဝေငှခဲ့သည်၊ မြစ်ဝကျွန်းပေါ်က ကရင်လေးတွေဖြစ်သည်၊ တပ်ထဲဝင်မလား၊ မဝင်ဘူး ရဲပဲလုပ်မယ်တဲ့၊ တပ်ထဲသွားရင် အေးချမ်းမေ သီချင်းဆိုနေရဦးမယ် (တစ်စစီကျိုးပဲ့နေတယ်)၊ ဗိုလ်ကြီးစိုးနိုင်လည်း စုစုဆောင်းဆောင်းဘာမှမရှိ သူလည်းစုစုဆောင်းဆောင်းဘာမှမရှိ ၊ ဒါကြောင့်မို့ ဗိုလ်ကြီးစိုးနိုင်တစ်ယောက် ညစ်သွားပြီး ကောင်းတာမကောင်းတာ အကုန်လုပ်၍ ရသမျှ ဝင်ငွေများဖြင့် ထောင်ထောင်လုပ်နေသော ငြိမ်းချမ်းရေးတွေကို ဆဲဆိုကာ သေနပ်နှင့်သွားပစ်ခြင်းဖြစ်မည်၊ သူဆဲတာကို သေချာနားလည်မည်ဆိုရင် ပစ်ခံရတာထက်နာဘို့ကောင်းသည်၊ မူးနေလို့ လုပ်မိတာပါဆိုပေမဲ့ တက်လမ်းမရှိတော့။

သတ်မှတ်ထားသော အချိန်ရောက်သော လူစုခွဲသည်၊ သတ်မှတ်နာရီအတွင်း အခြေအနေကိုထိန်းနိုင်ခဲ့သည်၊ တစ်ခုပဲရှိသည်၊ နိုင်ငံခြားသားတစ်ယောက် ဒဏ်ရာရသွားသည်၊ ထိုနောက်သေဆုံးသွားသည်၊ အေးမောင်လက်ချက်ပင်၊ စစ်ဖိနပ်မပါသော သေးသွယ်သော သူ၏ပုံ ကမ္ဘာအနှံ့ပြန့်ခဲ့သည်။

တပ်ရင်းမှူးကတော့ တိုင်းမှာလား စစ်ဒေသမှာလားမသိ ပြန်မရောက်လာသေး၊ ညစ်နေလောက်ပြီ၊ ဗိုလ်ကြီးစိုးနိုင်ကတော့ ကွမ်းတမြုံ့မြုံ့ဝါးနေဆဲ။ နေလင်းအောင် အရက်မသောက်နိုင်ပဲ အဝေးကိုကြည့်နေမိသည်၊ စိတ်ထဲမှာ အမေဆီ အမေ သားလဲလူပဲလေ ဒီလိုဘယ်ဖြစ်ချင်ပါမလဲ။

ကမ္ဘာ့နေရာ တစ်နေရာဆီက လူငယ်သုံးဦးတို့သည် သူတို့ဖြစ်ချင်တာတွေ မဖြစ်ခဲ့ကြပါ၊ ဖြစ်နေခဲ့ကြသည်များကလည်း သူတို့အတွေးထဲမှာတောင် မရှိခဲ့ပါ။ သူတို့သည် လူသားများကြားမှာ လူသားတွေဖြစ်ပါသည်။ အကြောင်းကြောင့် အကျိုးဖြစ်၍ ဒီလိုကြုံတွေ့ရင်ဆိုင်ခဲ့ရသည် ဆိုပေမဲ့၊ ရလဒ်အကျိုးကိုပြုပြင်လို့ရသော နည်းလမ်းများရှိနေသည်ကို သူတို့သိရှိကြလျှင်ပိုကောင်းပါလိမ့်မည်။

..........................................................................................

ရှင်သန်နေထိုင်ရေးအတွက် ဘဝမှာ ဖြစ်ချင်တာကိုဖြစ်အောင်လုပ်ခဲ့သူများလည်း ရှိကောင်းရှိပါလိမ့်မည်၊  ကျနော်ကတော့ ဒီနေရာမှာဘယ်လိုနေဖြစ်သွားသလဲ၊ ခုလုပ်နေတဲ့အလုပ်ကိုဘယ်လိုလုပ်ဖြစ်ခဲ့သလဲ၊ မရေရာခဲ့ပါ၊
အများစုမှာ သူတို့လုပ်နေသောအလုပ်၊ သူ့တို့ရောက်နေသောနေရာတွေကို စိတ်ကူးတောင် ယဉ်ခဲ့ဘူးကြမည့်သူများ ဟုတ်မည်မထင်ပါ။ ဘဝတွင်ရှင်သန်နေထိုင်ရေးအတွက်  ရေနှင့်မျှောရင်း ရောက်ရာကမ်းတွင် ရှင်အောင်နေထိုင် နေကြသူများ များသထက်များလာပေသည်။
- Robert Peel




ပြုပြင်နိုင်သော စစ်မှန်သော တရားတော်များကို ရရှိပါစေလို့ ဆုတောင်းရင်း။

ပြီးပါပြီ။


Getty Image julian.joyce; BBC news, AP
Interview with MAT officer Vasilis by Kathimerini,
Profile of captain SNT
Kirsten Anderberg; Miami FTAA protests,
တို့ကို ဆီလျှော်အောင်ပြန်ရေးပါသည်။







20 comments:

ဂျစ်တူး ( မုံရွာ ) said...

ကျန်းမာပါစေမင်္ဂလာပါခင်ဗျာ-
စာတွေဖတ်လိုက်အုံးမယ်-
သူများတွေလိုဦးဦးဖျားဖျားအရင်ဝင်မန်ကြည့်တာပါ။
ဖတ်လိုက်အုံးမယ်နော်-ပြန်လာရေးအုံးမယ်

ဂျစ်တူး ( မုံရွာ ) said...

ရှင်သန်နေထိုင်ရေးအတွက် ဘဝမှာ ဖြစ်ချင်တာကိုဖြစ်အောင်လုပ်ခဲ့သူများလည်း ရှိကောင်းရှိပါလိမ့်မည်၊ ကျနော်ကတော့ ဒီနေရာမှာဘယ်လိုနေဖြစ်သွားသလဲ၊ ခုလုပ်နေတဲ့အလုပ်ကိုဘယ်လိုလုပ်ဖြစ်ခဲ့သလဲ၊ မရေရာခဲ့ပါ၊
အများစုမှာ သူတို့လုပ်နေသောအလုပ်၊ သူ့တို့ရောက်နေသောနေရာတွေကို စိတ်ကူးတောင် ယဉ်ခဲ့ဘူးကြမည့်သူများ ဟုတ်မည်မထင်ပါ။ ဘဝတွင်ရှင်သန်နေထိုင်ရေးအတွက် ရေနှင့်မျှောရင်း ရောက်ရာကမ်းတွင် ရှင်အောင်နေထိုင် နေကြသူများ များသထက်များလာပေသည်။-----အဲဒီလိုရေးထား
တာကိုသဘောကျသည်။ တကယ့်ဖြစ်စဉ်တွေရေးချပြ
သလိုခံစားရသည်။ကျေးဇူးတင်ပါတယ်ခင်ဗျာ-

ညိမ်းနိုင် said...

ခက်တယ် အကို........တခါတလေ...ကိုယ်တိုင်က မသိလိုက်မသိဘာသာ လုပ်မိတာတွေ၊သိသိနဲ့ တတ်နိုင်
ပါဘူးလေဆိုပြီး ကြုံသလိုလုပ်လိုက်ရတာတွေ...၊
အကျဉ်းအကျပ်ဆိုတာက.....ဟင်း...။

ကိုဇော် said...

ဘယ်တူပါ့မလဲ ကမ္ဘာ့နေရာ သုံးနေရာကပါဆို...
လေ့ကျင့်ပေးတဲ့ လူတွေလည်း မတူကြဘူးလေ။
ဒီတော့လည်း ဖြစ်ပြီပေါ့။

မြစ်ကျိုးအင်း said...

မရည်ရွယ်ဘဲ လုပ်နေကြရ
မသွားချင်ဘဲ ရောက်နေကြရတာတွေ အများကြီးပါပဲ။ လုပ်တဲ့အလုပ်နဲ့ရောက်တဲ့နေရာကို ကောင်းမကောင်း ခွဲခြားနိင်စွမ်းနဲ့ ရုန်းထွက်ရဲတဲ့ သတ္တိရှိဖို့က ပိုအရေးကြီးပါတယ်။ ပင်ကိုယ်စိတ်အခံရဲ့ ပြည့်ဝမှုလည်း လိုအပ်မှာပါပဲ။

Anonymous said...

ဟုတ်တယ် ရဲတို့ စစ်တပ်တို့ဆိုတာ တိုင်းပြည်တိုင်းမှာ မရှိမဖြစ်လိုအပ်တယ်၊ လေ့ကျင့်ပေးတဲ့သူ၊ အသုံးချတဲ့သူ အစိုးရပေါ်မှာ မူတည်တယ်၊ကောင်းတယ်မကောင်းဘူးဆိုတာကို၊
စာရေးသူက ဆက်ရေးပြသင့်တယ်၊
Yamin

Anonymous said...

အမိန့်နာခံရတဲ့ အဖွဲ့အစီးတွေမှာ အမိန့်ပေးတဲ့သူက ပိုတာဝန်ရှိတယ်။ အုပ်ချုပ်တဲ့သူမကောင်းတော့ ခွေးဖြစ်တာပဲ။

Anonymous said...

လုပ်မဲ့သူ မရှိရင် စလုံးလို နေရှင်နယ်ဆားဗစ်NS ဖြစ်လာဦးမယ်၊

ရွှေရတုမှတ်တမ်း said...

ဘဝက သူဖြစ်ချင်သလို ဖြစ်နေသလားတောင်ထင်မိတယ်..ကိုဆုံဆီရာ..

ချစ်ကြည်အေး said...

္တဒါကိုက ဘဝရဲ့ အဓိပ္ပါယ်ပဲ ကိုတည်ငြိမ်ရေ...။ ကိုယ်ဖြစ်ချင်တာ မဖြစ်ရ၊ မဖြစ်ချင်တာ ဖြစ်ရ၊ ကိုယ်ဘာဖြစ်လို့ ဖြစ်ချင်မှန်း မသိတာတွေလည်း ရှိသေးတာ။ လူသားချင်း စာနာပြီး ကောင်းမွန်တဲ့ ခံယူချက်လေး ရှိရင် ပြီးပါတယ်....

အဖြူရောင်နတ်သမီး said...

ဖြစ်ချင်တာ ဖြစ်ခွင့်မရပေမဲ့
ရောက်ရှိနေတဲ့ နေရာဒေသမှာ ဘဝကိုတန်ဖိုးရှိစွာ
အသုံးချတတ်မယ်ဆိုရင် ....ဘဝဟာ အဓိပ္ပါယ်ရှိနေဆဲပါပဲ...။

လသာည said...

မတူညီသောနေရာက လူသားသုံးဦး..။ တင်ပြထားတာ သဘောကျမိတယ်.

“သူတည်းတစ်ယောက် ကောင်းဖို့ရောက်မူ သူတစ်ယောက်မှာ ပျက်လင့်ကာသာ ဓမ္မတာတည်း”ဆိုတာလို ကိုယ်ကတော့ ကောင်းအောင်လုပ်ဖို့ ကြိုးစားတာပဲ ဒါပေမယ့်အခြားသူမှာ ထိခိုက်ရတာပဲ။ တခါတခါ ကိုယ့်ပြန် ထိခိုက်ရတာပဲ..။

လူတစ်ယောက်ရဲ့လုပ်ရပ်ကို တဖက်က လူဆိုးလို့ အသေမုန်းခြင်းခံရပေမယ့် အခြားတဖက်က လူစွမ်းကောင်းလို့ လက်စွဲနှုတ်ဆက်သူတွေ ရှိနေနိုင်တာဆိုတော့..

ဘာမှတရားသေတွက်ထားလို့ မရတဲ့ လူသားတွေရဲ့ ရှင်သန်မှုပါ..။

ahphyulay said...

အင်း..
ရလဒ်အကျိုးကိုပြင်လို့ ရပါ့ မလား..။
ကျင်လည်နေရတဲ့  အဖွဲ့ အစည်းချင်းကမတူဘူးလေ။
ဒါကြောင့် မို့ လို့  လူတန်းစားအဖွဲ့ အစည်းတွေ အမျိုးမျိုး
ကွဲပြားဖြစ်ပေါ်လာရတယ်လို့ ထင်ပါတယ်။
သူ့ အကြောင်းနဲ့ သူ သွားနေကြလို့  သူ့ အကျိုး နဲ့ သူ
ဖြစ်လာရတယ်လို့ ထင်ပါတယ်။ ဒီလောက်ပဲ တွေးကြည့် လို့ ရပါတယ်။ ဖတ်လို့ ကောင်းတာတော့  သိတယ်။

ချော(အစိမ်းရောင်လွင်ပြင်) said...

နောက်ဆုံးတစ်ပိုဒ်နဲ့ စာရေးသူရဲ့ မှတ်ချက်လေးဖတ်ပြီး အများကြီးတွေးဖြစ်သွားတယ်..
တင်ပြထားပုံလေးကောင်းလိုက်တာ
တကယ်တမ်းတော့ ဖြစ်ချင်တာတွေ မဖြစ်လာကြရင်တောင် ဖြစ်နေတဲ့ ဘ၀လေးဟာ အေးအေးချမ်းချမ်းနဲ့ လူတွေရဲ့ အမုန်းတရားမရှိတဲ့ ဘ၀လေးတွေဆို သိပ်ကောင်းမှာဘဲ..
လူအမုန်းခံရတဲ့ ဘ၀လောက် စိတ်ပျက်စရာကောင်းတာမရှိ...

Anonymous said...

ဖြစ်ချင်ရာဖြစ် မောင်ဘချစ်မလုပ်ခဲ့ပေမဲ့၊ အဖြစ်လေးတွေနဲ့ ခုလက်ထိလိုက်နေတုန်းပါပဲ၊ အမြဲရှင်သန်ဘို့ကြိုးစားရင်း၊
Min Min

ကိုအောင် said...

စာတွေလာဖတ်တယ် ကိုစိုးစီရေ နေကောင်းလား ...

nyan gyi said...

မတူတဲ့လူတွေရဲ့အဖြစ် ဘာတွေပဲလုပ်လုပ် အကောင်းမြင်တတ်ဘို့ရယ်၊ စည်းဘောင်ထဲကဖြစ်ဘို့ အရေးကြီးတယ်ထင်ပါတယ်၊ ဘဝကိုပြင်ခဲ့ဘူးပါတယ်။

blackroze said...

ဘဝဆိုတာဒီလိုဘဲလေ...
ဖြစ်ချင်တာကဆန္ဒ...
ဖြစ်နေတာကဘဝ...တဲ့လေ..

Anonymous said...

း ပြင်ခွင့်ရ ပြင်ခွင်ကြုံ၇င်တော့ ပြန်စချင်ပါတယ်။

ပေါ့ဆိမ့် said...

တင်ပြပုံလေးကို ဖတ်ရင်း ကိုယ်စိတ်ထဲမှာ ပြန်ဆင်ခြင်နေမိတယ်...